Gjykata ka vendosur të mos pranojë kërkesën e kryebashkiakut të Tiranës Erion Veliaj që Shoqata e Mediave për të ...
BOTA
VIDEO/ Momenti i tmerrshëm kur një burrë tërhiqet me shpejtësi rrufe nga ashensori
PiranjatPërditësimi i fundit 4 Mars 2026, 23:41
Ky është momenti i tmerrshëm, kur një burrë i shpëton vdekjes për një fije peri, pasi për pak sa nuk u shtyp nga një ashensor me defekt.
Vatsalbhai Pancha po dilte nga ashensori në kompleksin e tij të apartamenteve, kur kabina metalike u ngrit papritur pa asnjë paralajmërim – duke i përplasur kokën dhe duke e rrëzuar në tokë.
Pamje kaotike nga kompleksi rezidencial i Gujarat Housing Board në Valsad, India, kanë kapur momentin e frikshëm kur Pancha mbeti vetëm disa milimetra larg ndarjes në mes, të martën.
Pasi hyri në ashensor, Pancha shihet në fillim të pamjeve nga kamerat e sigurisë (CCTV) duke u mbështetur lehtë te dyert, ndërsa priste që ato të hapeshin.
Dyert rrëshqasin dhe hapen normalisht, ndërsa burri hedh gjysmë hapi jashtë në katin ku donte të zbriste – përpara se kabina të ngrihej papritur sërish. Pancha, i veshur me këmishë rozë dhe pantallona të zeza, mezi arriti të dalë përmes dyerve para lëvizjes së befasishme lart.
Pancha u rrëzua gjatë incidentit, duke përfunduar në hapësirën mes ashensorit dhe murit. Ai arriti në një mënyrë të pabesueshme t’i shpëtonte shtypjes mes dyshemesë që po ngrihej të ashensorit dhe tavanit të katit ku sapo kishte mbërritur. Ashensori po lëvizte aq shpejt, saqë dyert nuk patën as kohë të mbylleshin. /PiranjatNews/
