Një aksident rrugor është regjistruar paraditen e kësaj të enjte (4 qershor 2026) në Tiranë, pranë Fabrikës s&eum...
BOTA
VIDEO/ Momenti kur raketat balistike ruse godasin qytetin ukrainas, sulmi la pas 34 të vdekur
n.fPërditësimi i fundit 13 Prill 2025, 20:42
UKRAINË- 34 persona u vranë dhe 117, duke përfshirë 15 fëmijë, u plagosën në një sulm me raketa ruse. Sulmi u regjistrua në qendër të qytetit ukrainas të Sumy të Dielën e Palmës ose siç njihet në vendin tonë të Dielën e Larit. Ndërkohë janë publikuar video nga momenti kur raketat balistike godasin qendrën e qytetit Sumy.
Një shtetas ukrainas, i cili ndodhej në vendngjarje, regjistroi sulmin vdekjeprurës, ndërsa kamera kap shkatërrimin e vendit. Raketat goditën pranë kishës, ndërsa dhjetëra besimtarë ishin mbledhur për lutje. Në pamje duken njerëzit, shumë prej të cilëve të moshuar, duke vrapuar në panik për t'u mbuluar, ndërsa disa janë përfshirë nga vala goditëse e shpërthimeve.
Natalia, e cila ishte në qendër të qytetit, tregoi se kur dëgjoi shpërthimin e parë, vrapoi për të marrë fëmijën e saj nga shkolla e muzikës në ndërtesën pas saj. Kur ajo po merrte fëmijën e saj dhe fëmijët e tjerë në strehimore, shpërthimi i dytë goditi makinën e saj.
“Nëse nuk do të kishim arritur në strehë në kohë, do të ishim në makinë dhe do të kishim vdekur”, thotë ajo.
Presidenti ukrainas Volodymyr Zelensky ka akuzuar Rusinë për terrorizëm në shënjestër dhe u bëri thirrje Shteteve të Bashkuara, Evropës dhe pjesës tjetër të botës që të reagojnë "me ashpërsi". Sulmi vjen gjatë një periudhe të bombardimeve të forta nga Rusia, pavarësisht se Ukraina ka pranuar propozimin e SHBA për një armëpushim 30-ditor.
