Gjatë deklaratës së tij pas seancës në Kuvend kreu demokrat Berisha tha për gazetarët se, ‘Edi Rama është n&e...
BOTA
Vrau barbarisht Ilaria Sulën, zbardhet dëshmia e ish-të dashurit: S’e kam thënë të gjithë të vërtetën për shkak të nënës
PiranjatPërditësimi i fundit 17 Mars 2026, 17:35
Një dëshmi e rëndë dhe rrëqethëse është dhënë në sallën e gjyqit nga Mark Antony Samson, i cili ka pranuar fajësinë për vrasjen e ish-të dashurës së tij, Ilaria Sula. Para Gjykatës në Romë, 24-vjeçari rindërtoi momentet tragjike që çuan në krimin e ndodhur më 23 mars 2025.
Gjatë seancës së zhvilluar, Samson deklaroi se nuk arrin të shpjegojë veprimet e tij. “Është sikur një vello më kishte rënë mbi sytë. Ndjeva një përzierje emocionesh negative. Nuk mbaj mend sa herë e kam goditur në fytyrë, por sigurisht më shumë se dy”, u shpreh ai para trupit gjykues.
Sipas dëshmisë, e reja u godit për vdekje me thikë në banesën e autorit. Samson pranoi gjithashtu se nuk kishte thënë gjithmonë të vërtetën gjatë hetimeve fillestare, duke tentuar të mbronte nënën e tij, e cila më pas u dënua me dy vite burg për fshehjen e kufomës.
Ai shtoi se konflikti fatal shpërtheu pasi viktima kishte zbuluar gënjeshtrat e tij lidhur me studimet universitare. “Ajo ishte e zemëruar dhe e zhgënjyer”, deklaroi i riu gjatë marrjes në pyetje.
Në sallën e gjyqit ishin të pranishëm edhe prindërit e viktimës, të cilët përjetuan momente të rënda emocionale. Nëna e Ilarias u detyrua të largohej për disa minuta për shkak të gjendjes shëndetësore. “Janë ditë shumë të vështira. Të dëgjosh këto gjëra dhe të kujtosh momentet e fundit të jetës së vajzës sime është e padurueshme. Vetëm Ilaria më jep forcë për të vazhduar”, u shpreh ajo. /PiranjatNews/
