Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
BOTA
Washington Post: Administrata Trump kërkon të vendosë fytyrën e presidentit në kartëmonedhën 250 dollarëshe
PiranjatPërditësimi i fundit 28 Maj 2026, 17:35
Zyrtarët e administratës Trump kanë ushtruar presion mbi zyrën e shtypjes së parave amerikane për të hartuar një kartëmonedhë prej 250 dollarësh me fytyrën e presidentit. Sipas TWP, nëse një iniciativë e tillë zbatohet, do të jetë hera e parë që një person i gjallë është përshkruar në monedhën amerikane që nga viti 1866.
Sipas medias amerikane, që prej vitit të kaluar, dy të emëruar politikë në Departamentin e Thesarit, Sekretari i Thesarit i SHBA-së Brandon Beach dhe këshilltari i tij i lartë Mike Brown, i kishin kërkuar vazhdimisht stafit në Byronë e Gdhendjes dhe Shtypjes së agjencisë të përgatisnin prototipa të kartëmonedhës, një veprim që zyrtarët thanë se ngriti shqetësime, pasi ligji aktual federal lejon vetëm individë të vdekur të shfaqen në kartëmonedha.
Sekretari i Thesarit i SHBA-së u dha stafit të zyrës makete të kartëmonedhës, përfshirë një që përshkruante fytyrën e Donald Trump në qendër të kartëmonedhës 250 dollarëshe, midis nënshkrimeve të presidentit dhe Sekretarit të Thesarit Scott Bessent. Artisti që tha se e kishte projektuar maketin dhe kishte folur me Trump për këtë. Piktori britanik, Iain Alexander deklaroi se Trump miratoi ndryshimet në dizajnin e tij origjinal, si shtimi i ngjyrave të flamurit amerikan dhe një logoje që përkujton 250-vjetorin e themelimit të vendit.
Legjislacioni që do t'i lejonte Trump të shfaqej në një kartëmonedhë 250 dollarëshe u prezantua në Kongres vitin e kaluar për të përkujtuar 250-vjetorin e vendit, por ka mbetur pezull. Një zëdhënës i Departamentit të Thesarit tha se shtypshkronja po kryente planifikimin dhe verifikimin e duhur në përgjigje të legjislacionit të propozuar.
Drejtoresha e byrosë, Patricia Solimene, dhe anëtarë të tjerë të stafit u shpjeguan vazhdimisht Beach dhe Brown se kishte pengesa ligjore dhe procedurale për prodhimin e kartëmonedhës dhe se do të duheshin vite më shumë sesa kishin imagjinuar për ta bërë dëshirën e tyre realitet.
Soliman dhe stafi i saj kishin rënë dakord për një kërkesë tjetër të administratës të shtypnin kartëmonedha 100 dollarëshe me firmën e Trump. Këto kartëmonedha, të cilat do të ishin të parat në historinë e SHBA-së që do të mbanin firmën e një presidenti në detyrë, aktualisht po shtypen në objektin e zyrës në qendër të Uashingtonit.
"Bazuar në rekomandimin e Thesarit të SHBA-së, Brandon Beach, Sekretarja Bessant do të njohë arritjet historike të vendit tonë të madh dhe të Presidentit Trump duke shtuar firmën e tij në monedhë ", deklaroi Departamenti i Thesarit.
Edhe pse asnjë ligj nuk ndalon shtypjen e kartëmonedhave me firmën e Trump, ekspertët e politikës monetare amerikane thonë se prodhimi i një kartëmonedhe 250 dollarëshe me imazhin e presidentit do të shkelte ligjin ekzistues. Një ligj thotë se vetëm personat e vdekur mund të përshkruhen në monedhën amerikane, një ligj tjetër përcakton prerjet që lejohet të lëshojë zyra.
Shtytja për një kartëmonedhë 250 dollarëshe vjen në të njëjtën kohë me planet e administratës Trump për të festuar 250-vjetorin e themelimit të Amerikës, i cili fillon korrikun e ardhshëm. Trump ka propozuar ndërtimin e një harku triumfi 250 metra të lartë në këmbët e Varrezave Kombëtare të Arlingtonit dhe një “Kopshti Heronjve” në Uashington me 250 statuja.
