Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
BOTA
Zbulohen 33 varre me mumie në Egjipt, arkelogët: Datojnë që në epokën e vonë greke dhe romake
n.fPërditësimi i fundit 2 Korrik 2024, 08:34
Egjipt
EGJIPT- Një zbulim i madh është bërë nga arkeologët nga Italia dhe Egjipti në zonën e Aga Khan, në perëndim të Aswanit. Mësohet se arkeologët kanë gjetur 33 varre familjare që përmbanin mumie. Sipas Ministrisë egjiptiane të Turizmit dhe Antikiteteve, varret datojnë në epokën e vonë greke dhe romake. Studimet paraprake mbi mumiet e zbuluara kanë dhënë informacione të reja për disa sëmundje që ishin të përhapura në atë kohë.
Varreza është përdorur nga shekulli i gjashtë para Krishtit deri në shekullin e tretë pas Krishtit. Lidhur me shtrirjen arkitekturore të varreve të zbuluara, arkeologët raportojnë se disa prej tyre kanë një hyrje të harkuar që paraprihet nga një oborr i hapur i rrethuar me mure tullash, ndërsa të tjerët janë gdhendur drejtpërdrejt në shkëmbin malor.
Dr. Abdel Moneim Saeed, Mbikëqyrësi i Përgjithshëm i Antikiteteve të Asëanit dhe Nubisë dhe Drejtor i Misionit Arkeologjik në anën egjiptiane, tha se në mesin e atyre që u zbuluan brenda varreve kishte një numër mumiesh , duke përfshirë një grua dhe një fëmijë që mund të kenë vdekur në moshën vjeçare. U gjetën edhe disa figura prej balte të djegura, gurë, arkivole prej druri dhe tavolina flijimi. Ai theksoi se, përmes këtyre elementeve, supozohet se shtresa e mesme e banorëve të Asvanit janë varrosur në këtë pjesë të varrezave, ndërsa pjesa e sipërme është rezervuar për varrimin e shtresës së lartë.
Studimet dhe analizat me rreze X u kryen duke përdorur teknologjinë më të fundit në mumiet e zbuluara për të kuptuar se si dukeshin këta njerëz për sa i përket formës së fytyrës, gjinisë dhe moshës në vdekje dhe nëse vdekja ishte rezultat i sëmundjes apo jo.
