Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
BOTA
Zelenskyy: Marrëveshja Ukrainë-SHBA e bën takimin me Trump në Vatikan vërtet historik
r.llPërditësimi i fundit 1 Maj 2025, 19:56
takimi
UKRAINË- Presidenti i Ukrainës, Volodymyr Zelenskyy, ka folur lidhur me marrëveshjen e nënshkruar nga SHBA-të dhe Ukraina mbrëmjen e djeshme për mineralet e rralla. Presidenti ukrainas ka pasur një marrëdhënie të tensionuar me Donald Trump, veçanërisht gjatë përballjes së tyre në Zyrën Ovale. Por në Vatikan, gjatë funeralit të Papa Françeskut muajin e kaluar, të dy liderët duket se patën një diskutim të rëndësishëm.
“Ne folëm me presidentin e Shteteve të Bashkuara, me Donald Trump, rreth gatishmërisë sonë për të përfunduar një marrëveshje, folëm në një takim në Vatikan. Në fakt, tani kemi rezultatin e parë të takimit në Vatikan, gjë që e bën atë vërtet historik. Ne mezi presim rezultatet e tjera të bisedës sonë.", tha Zelenskyy.
Presidenti ukrainas tha se donte të sigurohej që nuk do të kishte vonesa në miratimin e marrëveshjes midis Uashingtonit dhe Kievit nga parlamenti i Ukrainës.
Ai këmbënguli se marrëveshja nuk do ta linte Ukrainën me asnjë borxh, duke thënë: “Nuk ka borxh në marrëveshje dhe po krijohet një fond,Fondi i Rimëkëmbjes, i cili do të investojë në Ukrainë dhe do të fitojë para këtu.” Zelenskyy tha se marrëveshja do t'u lejojë të dy vendeve të fitojnë para në partneritet dhe do ta ndihmojë Ukrainën të mbrojë veten.
