Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
BOTA
Zgjedhjet e 11 majit/ Përfundon sot afati për regjistrimin e diasporës, ja numri i emigrantëve që kanë aplikuar deri më tani! A do të shtyhet data nga KQZ?
M.B.Përditësimi i fundit 4 Mars 2025, 07:40
TIRANA- Përfundon më 4 Mars afati i regjistrimet të emigrantëve për pjesëmarrjen e zgjedhjeve parlamentare të 11 majit 2025. Sipas të dhënave të publikuara nga Komisioni Qendror i Zgjedhjeve (KQZ) prej 11 janarit kur nisën regjistrimet deri më tani rezultojnë se janë plotësuar në total 337,629 kërkesa. Nga totali i kërkesave për regjistrim 107,811 apo 32% e tyre janë refuzuar.
Numri i zgjedhësve unikë që kanë bërë kërkesa për regjistrim arrin në 271,860, ku 218,373 zgjedhës (unikë) të cilëve u është miratuar kërkesa dhe 42,094 zgjedhës (unikë) të cilëve u është refuzuar kërkesa. 20% të zgjedhësve të miratuar i përkasin qarkut të Tiranës. 13% i përkasin qarkut të Fierit, 10,3% në Durrës, 10,2% në Elbasan në Korçë janë 8,6% e zgjedhësve të miratuar.
40% e totalit të kërkesave për regjistrimi janë nga emigrantët nga Italia, 28% nga emigrantët e Greqisë, 10% nga Gjermania, 6,6% nga SHBA, 5,6% nga Anglia. Nga votuesit meshkujt janë kryer 58,6% e kërkesave dhe nga votueset femra 41,4% e kërkesave.
26% e totalit të kërkesave dominohen nga zgjedhës së grup moshës nga 36 deri në 45 vjeç. Edhe grup mosha nga 26 deri në 35 vjeç zë 26% të kërkesave. Grup mosha tjetër 46 deri 55 vjeç zë 19,6% të kërkesave. Mosha mbi 65 vjeç zë 17% dhe grup mosha nga 18 vjeç deri në 25 vjeç zë 11%.
Pjesa më e lartë e totalit të kërkesave për regjistrim është në qarkun e Tiranës me 19%, e ndjekur nga qarku i Fierit 14%, Korça 11%, Durrësi 8%, Elbasani 8%, Vlora 6%, Berati 6%, Shkodra 4% etj. Regjistrimet e votuesve nga jashtë po kryhen nëpërmjet Platformës Elektronike të Regjistrimit (PER) që administrohet nga Komisioni Qendror i Zgjedhjeve.
Ditën e djeshme në një konferencë për mediat kreu i KQZ-së, Ilirjan Celibashi, ka deklaruar se data 9 mars mund të jetë afati i fundit për regjistrimin e diasporër, pasi duhet shpallur lista paraprake. Kjo deklaratë vjen pas kërkesës së PD-së për shtyrjen e afatit për regjistrimin e diasporës për të mos përfunduar më 4 mars.
Celibashi tha deri më 9 mars mund të diskutohet për afate të tjera, por pa një amendim ligjor, nuk mund të ketë shtyrje përtej kësaj date. Ai shtoi se PS nuk ka qenë dakord me këtë kërkesë, duke argumentuar se data 4 është afati i njohur nga të gjithë.
