Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
BOTA
Zgjedhjet evropiane 2024/ Meloni u bën thirrje italianëve: Është e rëndësishme të shkoni dhe të votoni
E.DPërditësimi i fundit 1 Qershor 2024, 21:39
ITALI- Kryeministrja italiane Giorgia Meloni, në një tubim parazgjedhor të partisë së saj “Vëllezërit e Italisë”, në Sheshin Popullor të Romës, iu referua rëndësisë që i kushton zgjedhjeve europiane të 8 dhe 9 qershorit.
“Të gjithë italianët duhet të kuptojnë se vota e tyre për zgjedhjet evropiane është vendimtare. Jemi në një pikë kthese, është shumë e rëndësishme që të shkoni dhe të votoni”, shtoi kreu i qeverisë konservatore të Romës.
Meloni bëri thirrje për angazhime të qëndrueshme për rritjen e gjelbër, më shumë investime nga Evropa në sigurinë dhe kontrollin e kufijve të jashtëm të Bashkimit, për të ndaluar largimin e migrantëve të parregullt.
Së fundi, kryeministri italian iu referua një deklarate të kandidatit të socialistëve europianë për presidencën e Komisionit, Nicolas Schmitt, i cili sipas Melonit e akuzoi se nuk ndjek metoda demokratike dhe u shpreh në të njëjtën mënyrë për Eurogrupi i Konservatorëve të cilin ajo e kryeson. Kreu i qeverisë së Romës i kërkoi Ellie Schlein, sekretares së qendrës së majtë italiane "Partia Demokratike", të mbajë një qëndrim për këtë çështje dhe të thotë hapur nëse është dakord apo jo me këtë deklaratë të Schmidt.
