Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
BOTA
Zgjedhjet presidenciale në SHBA, Borrell: Nuk është roli ynë t'u tregojmë amerikanëve për cilin kandidat të shprehin preferencë
n.fPërditësimi i fundit 22 Korrik 2024, 10:31
Borrell
SHBA- Përfaqësuesi i Lartë i BE-së, Josep Borrell së fundmi është shprehur se Bashkimi Europian nuk ndërhyn në vendimin e qytetarëve amerikanë në lidhje me presidentin e ardhshëm të SHBA-ve. Ai më tej u shpreh se mendon se nuk është roli i tyre t'i tregojmë popullit amerikan se çfarë të bëjë, të shprehë preferencat për njërën ose tjetrën kandidaturë.
“Amerikanët janë ata që do të vendosin se kush duan të jenë në Shtëpinë e Bardhë. Jam i sigurt se do të bëjë një ndryshim të rëndësishëm në marrëdhëniet transatlantike se kush do të jetë, por u takon qytetarëve amerikanë të vendosin. Nuk dua të ndërhyj. Unë nuk mendoj se është roli ynë t'i tregojmë popullit amerikan se çfarë të bëjë, të shprehë preferencat për njërën ose tjetrën," vuri në dukje ai, duke iu përgjigjur një pyetjeje në lidhje me vendimin e Joe Biden për të tërhequr kandidaturën e tij për zgjedhjet e ardhshme presidenciale pas mbërritjes së tij në Këshillin e Punëve të Jashtme në Bruksel.
Lidhur me udhëtimet e Viktor Orbanit në Rusi dhe Kinë, Jozep Borel theksoi se ministrat do të diskutojnë atë që ka ndodhur si dhe qëndrimet e marra nga qeveria hungareze, duke shpjeguar se ajo ndan qeverinë hungareze nga vendi që ka presidencën e saj të rradhës.
“Në varësi të mënyrës se si do ta vlerësojnë shtetet anëtare, ne do të duhet të diskutojmë se si të veprohet”, shtoi ai dhe nënvizoi se “BE nuk po shtyn për luftë”, por po mbron Ukrainën e cila është nën sulm.
