Nga Kristiana Filip
Po sikur historia mos lëvizë në vijë të drejtë (kohë lineare), por në cikle (kohë spirale)?&...
BOTA
Zjarr masiv në Japoni, digjen 170 ndërtesa
PiranjatPërditësimi i fundit 19 Nëntor 2025, 13:06
Një zjarr i madh përfshiu më shumë se 170 ndërtesa dhe vrau një person në një qytet bregdetar të Japonisë, ndërsa zjarrfikëset dhe helikopterët ushtarakë arritën ta shuajnë atë.-
Pamjet ajrore tregojnë shtëpi të djegura dhe re të dendura tymi.
Flakët janë përhapura gjithashtu në shpatet e pyllëzuara dhe në një ishull të pabanuar më shumë se një kilometër larg bregdetit, raportuan mediat lokale.
Zjarri filloi të martën në mbrëmje dhe ka djegur 48,900 metra katrorë, afërsisht sa madhësia e shtatë fushave të futbollit, duke detyruar 175 banorë në këtë zonë, rreth 770 km në jugperëndim të Tokios, të largoheshin, tha Agjencia e Menaxhimit të Zjarrfikësve dhe Fatkeqësive të Japonisë.
Shkaku i zjarrit është duke u hetuar, shtoi agjencia.
Një person është gjetur i vdekur, raportuan mediat lokale, ndërsa një grua rreth të 50-ave është shtruar në spital për djegie të lehta.
“Qeveria do të ofrojë mbështetje maksimale në bashkëpunim me autoritetet lokale për të gjithë banorët që po evakuohen për shkak të zjarrit”, tha kryeministri japonez Sanae Takaichi në një postim në X.
Ndërkohë, zjarri ka shkaktuar ndërprerje të energjisë elektrike në rreth 300 shtëpi.
Numri i banesave dhe madhësia e zonës së përfshirë nga flakët e bëjnë zjarrin më të madh urban në Japoni që nga viti 1976 ndërsa në vitin 2016 në Itoigawa u dogjën rreth 147 ndërtesa.
