Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
SOCIALE
‘Eurovisioni s’ka më vlera’, vjen reagimi i parë nga familja Kelmendi pas rezultatit zhgënjyes
PiranjatPërditësimi i fundit 14 Maj 2023, 13:00
Mbrëmjen e djeshme është mbajtur finalja e edicionit të 67-të të ‘Eurovision Song Contest’, kompeticionit më të ndjekur muzikor në Evropë. Pjesë e finales ishte edhe Shqipëria që u përfaqësua nga Albina dhe familja Kelmendi me këngën ‘Duje’.
Albina dhe Familja Kelmendi kanë dhënë një performancë të shkëlqyer duke elektrizuar skenën me këngën 'Duje' që u vlerësua për detajet tradicionale dhe sinkronizimin e zërave të familjes.
Mirëpo kjo nuk ka mjaftuar për të rënditur Shqipërinë në emrat kryesorë të vendeve me performancën me të mirë, Albina dhe Familja Kelmendi janë radhitur e 22-ta në festivalin e 67-të të këngës “Eurovision Song Contest 2023”, finalja e të cilit u mbajt mbrëmë në Liverpool.
Ajo mori vetëm 17 pikë nga votat e jurive, ndërsa 59 nga votat e publikut.Ky rezultat nuk është pritur mirë nga përfaqësuesit e Shqipërisë.
Ka qenë bashkëshorti i Albina Kelmendit, Valon Vataj, ai i cili ka bërë një reagim në rrjete sociale, duke thënë se politika triumfoi kundër trojeve shqiptare. Vataj ka thënë se Eurovision nuk ka më vlera.
“Eurovision nga aspekti profesional e njerëzore nuk ka me vlera! Familja ime është fituese e ruajtjes se vlerave muzikore e kombëtare”, shkroi ai.
