Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SOCIALE
"I kam kërkuar ndjesë"/ Albano Bogdo sqaron deklaratën ndaj Beatrix Ramosaj: Ishte batutë, publiku dhe influencuesit i zhdukën nga Shqipëria...
S.BPërditësimi i fundit 15 Shtator 2024, 13:03
TIRANË- Aktori i njohur i humorit Albano Bogdo ka sqaruar për herë të parë publikisht deklaratën ofenduese ndaj Beatrix Ramosaj. I ftuar në “S’e luan topi”, Bogdo u shpreh se i ka kërkuar falje Beatrixës edhe pse nuk kanë komunikuar me njëri-tjetrin.
Bogdo gjithashtu shprehet se numrin e saj e ka kërkuar disa herë por nuk ja kanë dhënë. Sipas tij reagimi i publikut ndaj deklaratës ishte tejet i ekzagjëruar pasi ajo ishte thjesht një batutë.
Më tej Bogdo drejton gishtin nga publiku duke thënë se ishin ata që i ofenduan rëndë Alban dhe Beatrix Ramosaj në kohën kur ishin në Shqipëri.
“Ju (publiku) i zhdukët nga Shqipëria, kur e kam thënë unë kanë qenë duke kërkuar punë në Amerikë. Publiku dhe influencerat i zhdukën nga Shqipëria, ndërkohë më thonin mua si e thua, ndërkohë që nuk lanë gjë pa thënë për të.” përfundon Bogdo.
Vitin e kaluar Bogdo në emisionin e tij teksa po ironizonte largimin nga muzika të Alban Ramosajt dhe Feros, e prezantoi Albanin si ‘ai tipi që i *** motrën Donaldi në Big Brother’. Kjo deklaratë e nxituar e aktorit të humorit nxiti polemika dhe kritika të shumta në media dhe rrjet.
Pjesë nga intervista:
Atëhere thash njeriu më i urryer në Ballkan sepse rastisi që në të njëjtën ditë që unë thash batutën, ai serbi bëri atë masakrën në Kosovë. Nuk po merrej askush me atë, po merreshin me mua. Ishte i ekzagjeruar reagimi. Erdhi nga njerëz që s’kanë asnjë lloj…
Nuk është se çfarë the, është që e the në një moment që ata po kalonin aq shumë në jetë, dhe i preku aq shumë. Mua kjo më intereson, sa është prekur Albani dhe Beatrixs. Nuk kam komunikuar, por i kam kërkuar falje Beatrixsës. I kam kërkuar ndjesë nga ana njerëzorë. Po të kisha mundësi të komunikoja nuk do t’i thoja në emision.
E kam kërkuar numrin e saj disa herë, por nuk ma dhanë. Mora vesh që ata po kalonin një periudhë të vështirë në jetën e tyre dhe vendosën të largoheshin nga Shqipëria. Albani po jepte dorëheqje nga muzika shqiptare, të dy, dhe për të ikur më pas për një jetë më të mirë në Amerikë.
Ishte Albani, një artist i shkëlqyer që sapo kishte fituar festivalin, ndërsa e motra që shkëlqeu në BBV. Ju (publiku) i zhdukët nga Shqipëria, kur e kam thënë unë kanë qenë duke kërkuar punë në Amerikë. Publiku dhe influencerat i zhdukën nga Shqipëria, ndërkohë më thonin mua si e thua, ndërkohë që nuk lanë gjë pa thënë për të.
