Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
SOCIALE
"Janë bërë për t'u dukur si një superhero, jo për t'i veshur njerëzit"/ Ben Affleck tregon përvojën e keqe me kostumin e Batman-it gjatë xhirimeve
m.lPërditësimi i fundit 21 Prill 2025, 13:45
SHBA- Ben Affleck nuk u ndje si një superhero i veshur me kostumin e Batman për asnjë moment, përkundrazi, ai ndjeu sikur po luftonte për të mos u rrëzuar nga djersitja e tepërt që i shkaktoi. Siç ka treguar në një intervistë për “GQ”, ky kostum legjendar mund të duket mbresëlënës në ekran, por në realitet është rraskapitës për aktorin që e vesh.
Aktori veshi kostumin e Batman-it në filmat "Batman v Superman: Dawn of Justice", "The Flash", "Liga e Drejtësisë" dhe "Zack Snyder's Justice League".
"Këto kostume janë bërë për t'u dukur si një superhero, jo për t'i veshur njerëzit," tha ai, duke shtuar se situata u përkeqësua në momentin që u vendos helmeta në kokë. Nga ai moment, siç theksoi ai, djersa nuk ndalet.
Ai pranoi se është një person që djersitet shumë, gjë që ia vështirësoi edhe më shumë eksperiencën: Isha sikur hidhja ujë mbi vete gjatë gjithë kohës.
Stresi dhe nxehtësia e fortë e bënë atë të ndihej saktësisht e kundërta e heroisë, duke shkatërruar plotësisht fantazinë e tij superheroike. Affleck gjithashtu përmendi se ndoshta kolegët e tij Christian Bale dhe Robert Pattinson kishin një përvojë të ndryshme, por për të nuk ishte aspak ajo që priste.
