"Ndihesha shumë e lodhur në fillim por..."/ Rihanna flet për shtatzaninë e tretë pas shfaqjes në tapetin e kuq të 'Met Gala 2025'

SHBA- Rihanna ka zbuluar se është shtatzënë me fëmijën e saj të tretë me ASAP Rocky-n. Këngëtarja u shfaq në Met Gala me bark të fryrë, duke tërhequr të gjithë sytë drejt saj. Në fakt, teksa ecte në tapetin e kuq, ajo bëri deklaratat e saj të para për gazetarët. Duke folur para kameras për Entertainment Tonight, ylli deklaroi se ishte mirë, duke vënë në dukje se ndërsa fillimisht ishte e lodhur dhe mendoi të mos merrte pjesë në event, në fund ishte e emocionuar.

"Jam mirë. Çuditërisht, ndihem mirë dhe jo e mbingarkuar tani. Dua të them, në fillim isha si, ‘Jam shumë e lodhur’, por pastaj u emocionova”, tha Rihanna. Më pas ajo u pyet për planet e saj profesionale dhe vuri në dukje se shtatzënia nuk do ta pengojë të punojë në muzikë të re. 

"Mund të këndoj", tha ajo, por theksoi se do të preferonte të mos xhironte një videoklip të ri muzikor ndërsa është shtatzënë.

Më pas, gazetari e pyeti këngëtaren nëse ajo dhe Asap Rocky kishin ndonjë lajm tjetër për të ndarë me fansat e tyre, si për shembull një martesë sekrete. 

"Jo, vajzë, a nuk e di që unë i mbaj sekretet shumë mirë?" u përgjigj themeluesja e Fenty Beauty.

Nga ana tjetër, partneri i saj foli gjithashtu para kamerave, duke thënë: Është e mrekullueshme, e dini. Është koha t'i tregojmë botës se çfarë kemi bërë. Dhe jam e lumtur që të gjithë janë të lumtur për ne, sepse ne me të vërtetë jemi të lumtur, e dini.

Gjinekologu, Dr. Brown nga Los Angeles, duke parë paraqitjen e Rihannës në Met Gala, vlerëson se ajo duhet të jetë mbi 6 muajshe shtatzënë. Kujtojmë se Rihanna ka tashmë dy fëmijë me A$AP Rocky, RZA dy-vjeçar dhe Riot 1 vjeç.

Njoftimi për shtatzëninë e parë u bë me një set fotografik në New York në janar 2022, ndërsa e dyta u bë e njohur me paraqitjen e Rihannës në shfaqjen në pushimin e Super Bowl 2023.