Nënkryetari i Partisë Demokratike, Nikola Kedhi, ka reaguar ndaj deklaratave të Kryeministrit Edi Rama për renditjen e Shqipërisë...
SOCIALE
"Nga ëndërra në realitet"/ Bebe Rexha shfleton arkivat e fëmijërisë, postimi në instagram që ngjalli kureshtjen e fansave (FOTO)
m.lPërditësimi i fundit 2 Prill 2025, 11:47
SHBA- Këngëtarja shqiptare me famë botërore, Bebe Rexha, ka publikuar së fundmi disa fotografi në llogarinë e saj zyrtare në Instagram, ku shfaqet elegante e veshur në të zeza, teksa festonte Fitër Bajramin me familjarët e saj në New York.
E ndodhur në shtëpinë e prindërve, artistja ka vendosur të shfletojë arkivat e fëmijërisë, duke zbuluar një tekst të shkruar nga vetë ajo kur ishte vetëm nëntë vjeçe. Me nostalgji, Bebe e ndau këtë dokument të veçantë me ndjekësit e saj, duke treguar sesi e shihte veten dhe pasionet e saj në atë kohë.
Në ditarin e saj shkruhet: “Emri im është Bleta Rexha. Jam nëntë vjeçe. Më pëlqejnë sportet. Sportet që më pëlqejnë janë hokej, bejsboll, basketboll, patinazh, futboll, volejboll, gjimnastikë. Më pëlqen të këndoj opera dhe këngë pop. Hobet e mia janë këndimi, pikturimi, vizatimi, leximi dhe luajtja e lojërave me letra. Stina ime e preferuar është dimri. Më pëlqen Halloween-i, por jo shumë, sepse nëse ha shumë karamele, ndihesh keq. Ushqimet e mia të preferuara janë pizza, tacos, pure patatesh, patate të skuqura, copëza pule, makarona, veçanërisht mishi, orizi, lazanja dhe pierogit. Pija ime e preferuar është uji. Më pëlqen të dëgjoj muzikë nga radioja kudo që të jem! Kaq për mua”.
Ky moment i veçantë ka ngjallur emocione te fansat e saj, të cilët e kanë vlerësuar këtë rikthim në të kaluarën si një dëshmi të ëndrrave të hershme të Bebe Rexhës, të cilat sot janë bërë realitet.
Bebe Rexha, e lindur dhe rritur në New York në një familje shqiptare, tashmë është një nga emrat më të mëdhenj të muzikës pop në botë. Prej vitesh ajo jeton në Los Angeles, ku ka ndërtuar një karrierë të suksesshme, duke vazhduar të frymëzojë miliona fansa në mbarë globin.
