Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
SOCIALE
"Nuk do të doja asgjë më shumë"/ Austin Butler shpreh dëshirën për të marrë pjesë në adaptimin e ri të filmit 'American Psycho'
m.lPërditësimi i fundit 5 Maj 2025, 20:22
SHBA- Edhe pse Austin Butler do të luajë në adaptimin e ri filmik të "American Psycho", i cili po përgatitet nga Luca Guadagnino, Patrick Schwarzenegger tha se do të donte shumë të luante rolin e Patrick Bateman. Roli, i cili mban të njëjtin emër si aktori, është një qëllim personal për të.
Schwarzenegger nuk e ka fshehur kurrë entuziazmin e tij për romanin e Bret Easton Ellis, i cili u bë një bestseller global në vitin 1991 dhe u adaptua për herë të parë në një film në vitin 2000 nga Mary Harron, me Christian Bale në rolin ikonik të investitorit me fantazi vrasëse.
Duke iu përgjigjur disa ditë më parë një ndjekësi në X (ish Twitter), i cili shkroi se roli i Bateman mund të jetë momenti përcaktues në karrierën e tij, aktori komentoi: Nuk do të doja asgjë më shumë.
Schwarzenegger, i cili kohët e fundit mori kritika pozitive për pjesëmarrjen e tij në sezonin e tretë të serialit të HBO-së “The White Lotus”, më parë ka shprehur dëshirën e tij për të mishëruar personazhin ikonik.
Kur u njoftua për herë të parë në vjeshtë se Guadagnino po planifikonte një adaptim të ri filmik të romanit, aktori iu përgjigj një postimi të lidhur duke shkruar: Ëndrra ime.
Në vitin 2021, Schwarzenegger madje u vesh si Patrick Bateman për një fotosesion të Vanity Fair kushtuar filmave ikonikë të fillimit të viteve 2000.
