Një qytetar i është drejtuar redaksisë me një denoncim lidhur me një situatë që, sipas tij, po ndodh në zonë...
SOCIALE
Përballet me dhjetëra padi për shantazh e abuzime seksuale/ Diddy shfaqet në skicat e sallës së gjyqit me flokë dhe mjekër të thinjur
m.lPërditësimi i fundit 6 Maj 2025, 17:38
SHBA- Diddy u paraqit në gjykatë ndërsa filloi përzgjedhja e jurisë për gjyqin e tij të hënën, më 5 maj. Akuzat kundër tij përfshijnë shantazh, trafikim me qenie njerëzore dhe transportim për qëllime prostitucioni. Në të njëjtën kohë, ai përballet me dhjetëra padi për përdhunim dhe abuzim seksual. Nëse dënohet, Cobbs përballet me burgim të përjetshëm.
Në skicat e sallës së gjyqit të siguruara nga Us Weekly, Diddy është përshkruar me flokë gri dhe mjekër, një fakt që i atribuohet rregullores së burgut ku ai po mbahet, të cilat ndalojnë përdorimin e bojës së flokëve. 55-vjeçari u shfaq i veshur me rroba civile, një këmishë të bardhë, një pulovër të errët dhe pantallona me ngjyra të çelëta, pasi më parë kishte marrë leje nga gjyqtari për të mos veshur uniformën e të burgosurit, siç ishte rasti në paraqitjet e tij të tjera në gjykatë.
Në ditën e parë të përzgjedhjes së jurisë, kandidatëve iu bënë pyetje në lidhje me njohuritë e tyre për çështjen dhe oraret e tyre, pasi gjyqtari ka vlerësuar se gjyqi do të zgjasë të paktën tetë javë. Diddy u arrestua në shtator 2024 dhe u akuzua për trafikim qeniesh njerëzore, komplot për të kryer zhvatje, sulm dhe transportim të personave për qëllime prostitucioni. Ai u deklarua i pafajshëm për të gjitha akuzat dhe i mohon plotësisht akuzat kundër tij.
"Jemi të zhgënjyer nga vendimi i Prokurorisë për të vazhduar me një ndjekje penale që ne e konsiderojmë të padrejtë kundër Sean Combs. Ai është një qenie njerëzore e papërsosur, por jo kriminel. Për nder të tij, Cobbs bashkëpunoi plotësisht me autoritetet dhe me iniciativën e tij u zhvendos në Nju Jork javën e kaluar, duke pritur akuzat. Ju lutemi mos nxirrni përfundime para se të keni të gjitha provat. Këto janë veprimet e një njeriu të pafajshëm që nuk ka asgjë për të fshehur dhe është i etur të pastrojë emrin e tij në gjykatë", tha avokati i tij, Marc Agnifilo.
Që nga arrestimi i tij, Diddy është mbajtur në Qendrën Federale të Paraburgimit në Bruklin, me katër kërkesa për lirim me kusht të refuzuara nga gjyqtari Arun Subramanian.
Artisti nuk është fotografuar në publik që nga arrestimi i tij në vitin 2024. Gazetarja e Law & Crime, Elizabeth Millner, e cila e pa atë në një seancë dëgjimore në dhjetor, raportoi se reperi "dukej dukshëm më i dobët, gjë që pritet duke pasur parasysh se ai ka qenë në një qendër federale paraburgimi për disa muaj".
