Është hequr gardhi metalik që ishte vendosur para Kuvendit të Shqipërisë si barrikadë për të penguar protestë...
SOCIALE
U bë e njohur për faktin se është transgjinore/ Vajza 16-vjeçare e Naomi Watts, Kai bën xhiron e rrjetit në pasarelat më të famshme
m.lPërditësimi i fundit 7 Prill 2025, 17:45
SHBA- Lajmi se vajza 16-vjeçare e Naomi Watts, Kai eci në pasarela e Valentino u bë virale për arsyet e gabuara ndoshta. Shumica e njerëzve u përqendruan në faktin se ajo është transgjinore. Ajo që ata nuk morën parasysh është se ajo ka mbështetjen e prindërve të saj. Kai Schreiber është bjonde dhe vajza e një ylli të famshëm hollivudi, me dy nominime për Oscar që dëshmojnë talentin e saj dhe vlerën e lartë neto. Po aq i famshëm është edhe babai i saj, gjithashtu aktori Liev Schreiber, i cili ka nëntë nominime Primetime Emmy në rezymenë e tij.
Prindërit e saj e kanë pranuar që në fillim vendimin e saj për gjininë dhe janë krenarë për arritjet e saj. Në moshën 16-vjeçare ajo tashmë ka nënshkruar një kontratë me agjencinë IMG Models dhe vetëm pak ditë më parë mori pagëzimin e saj të zjarrit në pasarelë, në sfilatën e Valentino-s. Kjo në vetvete është një sukses. Sigurisht që lajmi bëri xhiron e planetit dhe u riprodhua në çdo medium, siç ndodh çdo herë që fëmija i një ylli provon fatin në fusha që janë të përshtatshme për promovim, si aktrim, muzikë apo modeling. Aq më tepër kur ky fëmijë është transgjinor, pra ndryshe, pra tërësisht në frymën e epokës së re që e ka bërë emblemën e saj diversitetin.
Nëse shfletoni albumin familjar të Schreiber dhe Watts , kur ata ende po pozonin me krenari pranë dy djemve të tyre, tani 17-vjeçarët Sasha dhe Kai, dy fëmijë biondë si të marrë nga një reklamë, fëmija i tyre më i vogël gjithmonë dukej pak më shumë si një vajzë, ndoshta sepse ai ndihej gjithmonë kështu. Në vitin 2017, kur Kai ishte nëntë vjeç dhe ende nuk kishte dalë, ai kishte shoqëruar babanë e tij në Festivalin Comic i veshur si Harley Quinn. Askush nuk e gjeti atë të çuditshme, përkundrazi të gjithë e lavdëruan Shriver për mendjehapur duke lejuar djalin e tij të shprehej ashtu siç dëshironte. Jo shumë kohë më vonë, Watts dhe Shriver do t'u referoheshin fëmijëve të tyre si djalin e tyre të bukur dhe vajzën kukull. Kaq të thjeshta, pa njoftime të gjata, pa ulje-ngritje bisedash, gjëra të qytetëruara.
