Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
SOCIALE
U ndalua edhe flamuri i Bashkimit Evropian, nuk kanë fund polemikat e Eurovizionit, zëdhënësi i BE-së kërkon shpjegime
S.BPërditësimi i fundit 13 Maj 2024, 17:52
Eden Golan
BRUKSEL- Ekzekutivi i Bashkimit Evropian tha të hënën se do të kërkojë shpjegime nga organizatorët e konkursit të këngës Eurovizion se pse flamuri i BE-së u ndalua nga salla e koncerteve gjatë finales. Në një konkurs tashmë plot polemika, Komisioni Evropian tha se planifikon "një diskutim shumë të gjallë" me organizatorët mbi ndalimin.
Edhe pse BE-ja 27-vendesh nuk konkurroi si e tillë, shumë nga shtetet e saj anëtare e bënë këtë, dhe flamuri blu me yje shihet shpesh si një unifikues për të gjithë të përfshirët. Zëdhënësi i Komisionit të BE-së, Eric Mamer tha se nuk kishte asnjë informacion nga organizatorët në këtë moment në lidhje me motivimin e refuzimit të flamurit evropian gjatë ngjarjes.
"Ne sigurisht inkurajojmë EBU-në të kuptojë se ky është një gabim," tha Mamer.
Gjatë konkursit njëjavor, organizatorët tashmë ishin tronditur nga protestat e lidhura me luftën në Gaza dhe skualifikimin e diskutueshëm të pjesëmarrësit holandez për një incident që nuk u shpjegua kurrë plotësisht.
Përpara finales, një zëdhënës i Unionit Evropian të Transmetuesve që drejton shfaqjen tha se mbajtësit e biletave lejohen të sjellin dhe shfaqin vetëm flamuj që përfaqësojnë vendet pjesëmarrëse, si dhe flamurin me ngjyrë ylberi, i cili është një simbol për komunitetet LGBTQ+.
