Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
INVESTIGIME
"Dashuria për një varëse!" Hyri në shtëpinë e saj si partner dhe i vodhi: Erdhi nga Suedia për dy orë, kërkoi takim me shoqen...
M.B.Përditësimi i fundit 18 Tetor 2024, 22:01
ELBASAN- Çdo ditë e më shumë mashtrimet online po kthehen në një problem serioz për përdoruesit e rrjetit. Format janë nga më të sofistikuarat, dhe ne shpesh i kemi denoncuar, pavarësisht vështirësisë për t’i kapur. Por nganjëherë, mashtruesit përdorin edhe forma fare të thjeshta, ato të njohjes dhe krijimit të raporteve intime nëpërmjet platformave online, shpesh duke shfrytëzuar dobësinë dhe naivitetin e personit që kanë përballë.
I njejtë është dhe rasti i kësaj zonje rreth të 50-ave e cila banon në periferi të Tiranës. Njohja me një person në rrjetet sociale, dhe besimi i verbër ndaj tij, i ka shkaktuar jo vetëm dramë shpirtërore por edhe dëm material të konsiderueshëm.
Njohje nga facebooku e cila është bërë serioze dhe me prezantim familjar. Por tradita e do, që kur ka fejesë, të ketë dhe një dhuratë. Varësja e kushtueshme prej floriri ishtë një dhuratë që vëllai ia kishte bërë zonjës dhe kjo e fundit, e rënë kokë e këmbë brenda, vendos t’ia dërgojë partnerit të saj virtual me anë të shoferit të linjës së një qyteti tjetër. Por në diskutim e sipër me të, kjo zonjë u konfuzua nga ajo cfarë shoferi i tha, ndaj dhe për ta kuptuar i telefonoi menjëherë.
Gjërat atë ditë po ndodhnin me një ritëm të pakapshëm, dhe zonjës nuk po i dilte asnjë llogari. Sepse për dy orë Ergi u gjend nga Suedia në Shqipëri. Pavarësisht këtyre rekordeve prej alieni të Ergit, zonja e habitur dhe e emocionuar njëkoëhësisht për takimin për herë të parë live me njeriun e zemrës, I anashkaloi këto detaje, pa u menduar shumë se me kë kishte të bënte. Ajo vendos tja prezantojë më nga afër familjes dhe ai qëndroi dy ditë në shtëpi
Dhe pas një debati me zonjën, Ergi merr rrobat dhe largohet. Dhe që nga ai moment të dy nuk kanë pasur asnjë kontakt. Pra,100 euro të zhvatura dhe dy netë të kaluara në krevatin e zonjës. Pa harruar edhe varësen 900 mijë lekëshe. Zonja tregon se ka bërë denoncim në polici, ku mësoi të verteta të tjera, ku emri Ergi Cela nuk ekziston.Por si do të identifikojmë një person identiteti I të cilit nuk është real?
Por këtu na ndihmon zonja, e cila përvec fotos së tij ka edhe targën e makinës me të cilën ai ka shkuar në shtëpinë e saj. Dhe është pikërisht kjo makinë, e një kompanie mjetesh me qera, e cila na ndihmon të gjejmë personin që e ka përdorur ato ditë. Ai quhet Erjon Preci nga fshati Shirgjan, 9 km nga qyteti i Elbasanit, dhe pas verifikimeve, kuptojmë se është i njëjti që ka mashtruar zonjën dhe familjen e saj.
Pasi trokasim në shtëpinë e tij përballemi me babain e tij të moshuar, i cili duhet qartë që është i zhgënjyer po aq sa zonja për jetën prej mashtruesi që bën i biri. Pavarësisht përpjekjeve tona, dhe pritjes së gjatë se mos kthehet, nga mashtruesi nuk ka asnjë shenjë. Duket se po kërkojmë një fantazëm.
E ndërsa përgatitemi ditën e dytë për të ndjekur gjurmët e tij, njoftohemi nga policia e Elbasanit se mashtruesi është kapur. Por kemi edhe diccka të fundit të pathënë nga zonja ku deklaron se ky person i ka vjedhur dhe 500 Euro në banesë.
