Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
INVESTIGIME
Mitingu i PS-së/ Piranjat sjellin videon, ja si bëhet apeli brenda në autobus për prezencën! Bardhi: Të detyrosh administratën që të marrë pjesë, krim elektoral
PiranjatPërditësimi i fundit 12 Prill 2025, 16:48
FIER- Ditën e djeshme, kreu i SPAK-ut Altin Dumani ishte në qarkun e Fierit ku u takua me prokurorët e rrethit gjyqësor Fier. Fokusi i takimit ishte thellimi i bashkëpunimit ndërmjet SPAK-ut dhe prokurorisë së Fierit për të qenë sa më efektivë në zbulimin dhe hetimin e krimeve zgjedhore. Por sot Piranjat i kanë ardhur në ndihmë SPAK-ut, duke zbuluar se drejtuesit politikë të qarkut Fier, nuk e kanë aspak frikë SPAK-un dhe as ndjejnë presion nga prokuroria e Fierit se mund të hetohen për krime zgjedhore.
Piranjat kanë arritur të hipin në autobusët të cilët kanë sjellë njerëz në Tiranë për mitingun e hapjes së fushatës elektorale të PS. Gjatë udhëtimit për Tiranë, Piranjat kanë folur me njerëz të thjeshtë, hallexhinj dhe gjatë bisedave me ta, kanë arritur të dokumentojnë me zë dhe figurë se si njerëz me pushtet i kanë detyruar për të marrë pjesë në mitingun elektoral të PS-së për tu punësuar ose të detyruar për të mbajtur një vend pune, në kundërshtim më ligjin. Pas këtyre provave të paraqitura nga Piranjat, është rradha e drejtësisë që të veprojë pa vonesë, për zbërthimin e kësaj skeme kriminale elektorale.
Drejtuesi Politik i Partisë Demokratike për Fierin Gazment Bardhi ka denoncuar përdorimin e administratës për mitingjet e partisë në pushtet. Ai ka ndarë në postimin e tij një video të emisionit “Piranjat” të cilët kanë zbardhur të vërtetën e shkeljes së ligjit.
Postimi i Bardhit:
Të detyrosh punonjësit e administratës që të marrin pjesë në miting është krim elektoral.
T’u premtosh njerëzve vende pune në këmbim të votës, është krim elektoral.
Shikoni kamerën e fshehtë që emisioni “Piranjat” ka realizuar sot me autobuzat e sjellë nga qarku Fier për të mbushur sheshin bosh të Edi Ramës dhe Belinda Ballukut. Janë dëshmi që SPAK-u nuk mund t’i injorojë!
Keqardhje për SPAK-un që nuk arrin të zbulojë as sa “Piranjat” nga krimet elektorale që po kryhen në qarkun e Fierit, në drejtimin e Belinda Ballukut!
Jo vetëm metodat e paligjshme në shkelje të ligjit elektoral nga Balluku por sidomos arroganca e saj në komunitet dhe me vetë socialistët, janë për nga lloji të ngjashme me çizme pushtuesish! Fieri dhe administrata publike do të çlirohet nga kjo më 11 Maj!
