Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
INVESTIGIME
Si u ‘kyç’ kryetari në zyrë, pyjet që priten dhe ndërtimet pa leje! Saga e paligjshmërisë në Dibër
PiranjatPërditësimi i fundit 24 Tetor 2025, 22:37
Gazetarët e Piranjave kanë shkuar në Selishtë të Dibrës, aty ku një sherr mes kushërinjve për tokën ka bërë bashkë të gjithë institucionet, të cilat ende nuk kanë mundur t’i japin asnjë zgjidhje.
Rifat Muça, ka bërë disa kallëzime në Prokurori, duke akuzuar kushërinjtë e tij, Sefedin Muça dhe Fiqiri muça, ky i fundit dhe kreu i Njësisë Administrative Selishtë se i kanë marrë tokën e babait. Pronësia e tokës vërtetohet edhe nga një dokument i lëshuar nga Këshilli i Qarkut Dibër, në emër të babait të Rifatit.
Por letrat nuk pinë ujë në Dibër për aq kohë sa institucionet nuk kanë marrë asnjë masë. Sipas Rifatit, Sefedin Muça i ndihmuar dhe nga kushëriri i tij që mban detyrën e kreut të Njësisë Administrative i kanë marrë tokën dhe në të është ndërtuar dhe një lokal, që përdoret nga Sefedini.
Ky i fundit e ka prej vitesh tashmë në përdorim, ndërsa Fiqiri Muça duke shfrytëzuar detyrën e tij, sipas Rifatit ka ndihmuar kushëririn tjetër duke lëshuar një dokument që tregon se Rifat Muça nuk ka tokë në Selishtë. Por ndërkohë që takuam Fiqiri Muçën, kreun e njësisë Administrative Selishtë, dalin në pah dhe gjëra të tjera që nuk kanë lidhje me tokën e Rifatit, por me shpërdorimin e detyres që ka bërë administratori. Pasi e para ka ndërtuar pa leje një dhomë, dhe e dyta është akuzuar dhe gjobitur dhe për prerjen e paligjshme të drurëve, të cilët më pas i shiste.
Pavarësisht se ishte gjobitur nga Inspektoriati i Mbrojtjes së Territorit, Bashkia Dibër për ndërtimet pa leje, nuk ishte marrë asnjë masë, më pas dilet me një vendim për shembje, por dhe në këtë momente nuk është marrë as asnjë masë, pasi sipas Bashkisë Dibër, Fiqiri Muça ka përfituar nga amnistia e bërë para zgjedhjeve nga qeveria dhe kështu nuk kishte çfarë të paguante, ndërkohë që ai vijon të jetë në paligjshmëri.
Prandaj në këto kushte shkuam të takojmë vetë shefin e Fiqiriut, kreun e Bashkisë Dibër, Rrahim Spahiu, i cili nuk dha asnjë zgjidhje konkrete, përveçse, u fut tek zyra më e afërt dhe u mbyll brenda. Pavarësisht se është fakt se është shkelur ligji, dhe ka dy akuza ndaj njeriut që duhet të jetë gardian i mbrojtjes së ligjit si funksionar publik, Bashkia e Dibrës hesht duke u bërë palë me paligjshmërinë./Piranjat
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi
