Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Trafikuan 2,3 tonë kokainë nga Ekuadori në Britani, dënohen 2 shqiptarët, dy të tjerët ende në proces (EMËR+FOTO)
E.DPërditësimi i fundit 10 Tetor 2024, 22:32
ANGLI- Pesë anëtarë të një grupi të krimit të organizuar që kontrabanduan 2.3 ton kokainë në një ngarkesë me banane nga Amerika e Jugut janë dënuar në Angli. Mësohet se Petko Zhutev, 39 vjeç, nga Bullgaria dhe shqiptarët Gjergji Diko, 33 vjeç Bruno Kuci, 33, Olsi Ebeja, 40 vjeç dhe Erik Muci, 44 vjeç, u hetuan nga Partneriteti për Krimin e Organizuar.
Ata u arrestuan nga oficerët në një pronë industriale në Tottenham, në veri të Londrës, në shkurt 2021, pasi morën 41 ngarkesa me banane në të cilat ishte ngarkuar kokaina. Droga kishte mbi to vula të markave të ndryshme, të cilat korrespondonin me grupe të veçanta të krimit të organizuar që do t’i shisnin në rrugët e Londrës dhe më gjerë në Mbretërinë e Bashkuar.
Ky rast besohet të jetë një nga më të mëdhenjtë ndonjëherë të këtij lloji në Mbretërinë e Bashkuar, raporton Agjencia Kombëtare e Krimeve në Angli. Hetuesit identifikuan se 39-vjeçari nga Bullgaria kishte marrë detyrën e drejtorit të kompanisë ushqimore në dhjetor 2020. Edhe pse më parë ishte një biznes legjitim, ai e kishte blerë atë vetëm për ta përdorur si një “bazë droge”.
Muci ishte një nga organizatorët kryesorë të importit të drogës. Hetimi në pajisjet celulare të përdorura nga grupi i krimit tregoi se Muci kontrollonte importin dhe furnizimin e vazhdueshëm të sasive të konsiderueshme të kokainës në të gjithë Mbretërinë e Bashkuar. Oficerët gjetën nëntë valixhe të zbrazëta, në të cilat droga ishte destinuar të paketohej për furnizim të mëtejshëm. Një armë zjarri bosh me pesë fishekë u gjet e fshehur pas një trau tavani, së bashku me pajisje të shumta celulare të cilat ishin fshehur përreth ambienteve.
Ebeja ishte vëzhguesi dhe shoferi për drogën dhe u arrestua teksa priste brenda një furgon me qira. Pas arrestimeve, oficerët kontrolluan një banesë të Dikos dhe Mucit, ku gjetën 37 kilogramë kokainë dhe municione për armën e zjarrit. Diko dhe Kuci u deklaruan fajtorë për drogë, armëve të zjarrit dhe municionit dhe të dy shqiptarët pranuan akuzat. Ebeja dhe Muci u dënuan sot më 10 tetor), pasi u përballën për herë të parë në gjyq. Ebeja dhe Muci u shpallën fajtorë për importim droge të klasit A. Një datë e dënimit për pesë të tjerët ende nuk është konfirmuar.
