Nënkryetari i Partisë Demokratike, Nikola Kedhi, ka reaguar ndaj deklaratave të Kryeministrit Edi Rama për renditjen e Shqipërisë...
KOSOVA
A votuan ish-krerët e UÇK-së për zgjedhjet lokale?
PiranjatPërditësimi i fundit 13 Tetor 2025, 13:14
Qytetarët e Kosovës të dielën e 12 tetorit u janë drejtuar kutive të votimit për të zgjedhur kryetarët e ardhshëm në 38 komunat.
Krahas qytetarëve që kanë votuar në Kosovë, të drejtën e votës e kanë shfrytëzuar edhe personat që ndodhen në paraburgim më Dhomat e Specializuara të Kosovës në Hagë.
Kështu ka bërë të ditur për Telegrafin zëdhënësi i DHSK-së, Michael Doyle.
Doyle ka konfirmuar se të gjithë të paraburgosurit në këtë institucion që kanë shprehur dëshirën për të votuar në zgjedhjet lokale të 12 tetorit, kanë pasur mundësi ta ushtrojnë këtë të drejtë.
“DHSK-ja ka ndërmarrë të gjitha hapat brenda fushëveprimit të autoritetit të saj në mënyrë që të gjithë të paraburgosurit në objektin e paraburgimit të DHSK-së që dëshirojnë ta bëjnë këtë, të mund të ushtrojnë të drejtën e tyre si qytetarë të Kosovës për të votuar në zgjedhje,” thuhet në përgjigje.
Megjithatë, Gjykata Speciale nuk ka dhënë informacione se kush prej të paraburgosuve e ka ushtruar të drejtën e votës.
“Për arsye të privatësisë, ne nuk mund të ofrojmë informacion se cilët nga të paraburgosurit kanë votuar”, thuhet në përgjigjen e Doyle.
Zgjedhjet lokale në Kosovë u mbajtën më 12 tetor 2025 dhe përfshinë votimin për kryetarë komunash dhe kuvende komunale në gjithë vendin.
