Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
KOSOVA
Sulmoi një hebre ortodoks, arrestohet shqiptari në Zvicër
PiranjatPërditësimi i fundit 3 Shkurt 2026, 17:49
Një 40-vjeçar me origjinë nga Kosova ka sulmuar fizikisht një hebre ortodoks 26-vjeçar në Zvicër, në një ngjarje që autoritetet po e hetojnë si sulm me motive antisemite.
Sipas mediave zvicerane, incidenti ndodhi të hënën rreth orës 20:15 në zonën e Wiedikon, në rrugën Manessestrasse. Viktima, një 26-vjeçar hebre ortodoks, sapo kishte dalë nga një banesë dhe po ecte në trotuar, kur u sulmua papritur nga 40-vjeçari, i cili nisi ta godiste me grushte.
Ngjarja u ndërpre nga disa kalimtarë, të cilët ndërhynë menjëherë dhe arritën ta neutralizonin sulmuesin, duke e mbajtur të ndaluar deri në mbërritjen e policisë. Sipas raportimeve, 40-vjeçari vijoi të bënte komente fyese dhe antisemite edhe pasi u ndalua nga autoritetet.
Policia e qytetit konfirmoi arrestimin e tij në një njoftim të publikuar të martën. Sipas hetimeve paraprake, i dyshuari është i njohur për policinë, por jo për vepra të ngjashme penale. Autoritetet bëjnë me dije se ai nuk ka një adresë të rregullt banimi në Zvicër dhe është dorëzuar tashmë pranë zyrës së prokurorit publik për procedura të mëtejshme ligjore.
Federata e Komuniteteve Hebraike në Zvicër deklaroi se viktima ka pësuar gërvishtje në trup dhe në qafë dhe ndodhet në gjendje shoku. Sipas kësaj organizate, sulmi nuk ishte i rastësishëm, por i drejtuar posaçërisht ndaj një personi hebre.
