Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
KOSOVA
Burg përjetë Naim Murselit, reagon vëllai i Liridona Ademajt: Vendim që e kemi pritur të gjithë, jo vetëm familja
PiranjatPërditësimi i fundit 21 Prill 2026, 16:56
Leonard Ademaj, vëllai i Liridona Ademajt, reagoi pas shpalljes së dënimeve ndaj Naim Murselit dhe Granit Plavës me burgim të përjetshëm, si dhe ndaj Kushtrim Kokallës me 30 vjet burg. Ai u shpreh se vendimi i gjykatës ka sjellë njëfarë lehtësimi për familjen, edhe pse dhimbja mbetet e madhe.
Sipas tij, u konfirmua ajo që familja kishte deklaruar që në fillim, se Murseli dhe Kokalla kishin përzgjedhur Plavën si autor të krimit dhe kishin bashkëorganizuar vrasjen. Ademaj theksoi se ky vendim nuk ka rëndësi vetëm për familjen e tyre, por edhe për fëmijët e Liridonës dhe për gjithë shoqërinë.
“Ajo që u vërtetua sot është ajo që kemi thënë nga fillimi që Naimi së bashku me Kushtrimin duke e zgjedhur Granitin si vrasës e kanë organizuar këtë krim.
Ky vendim nuk shkon vetëm për ne, por edhe për Liridonën dhe fëmijët e saj që nuk do ta shohin më nënën e tyre. Ky vendim është edhe për ata që mendojnë që ta bëjnë një krim të tillë. Sa i përket Kushtrim Kokallës, besoj që gjykata e ka parë të drejtë ashtu.
Sado pak ky vendim na ka lehtësuar edhe neve, por është vendim që e kemi pritur të gjithë, jo vetëm familja”, ka thënë ai.
