“Mos e prek Memaliajn!” Me këtë mesazh dhe pankarta në duar, banorë të Memaliajt dolën në aksin kryesor që l...
BOTA
Forcat speciale amerikane sekuestrojnë anijen kineze që po shkonte në Iran
PiranjatPërditësimi i fundit 14 Dhjetor 2025, 09:30
Shtetet e Bashkuara, sipas Wall Street Journal kanë goditur në Oqeanin Indian një anije të nisur nga Kina drejt Iranit, me argumentin e bllokimit të një trafiku të mundshëm armësh mes dy vendeve. Media e njohur thotë se operacioni u krye nga forcat speciale amerikane.
Në shkrim theksohet se shërbimet amerikane të inteligjencës kishin gjurmuar lëvizjet e anijes së mallrave të nisur nga një port kinez me destinacion Republikën Islamike.
Në bord kishte pajisje me përdorim të dyfishtë, që do të thotë teknologji e përshtatshme si për përdorim civil ashtu edhe për ushtarak. Kur anija kaloi në jug të Sri Lankës, një ekip i Forcave Speciale, me shumë mundësi i mbështetur nga njësitë e Marinës Amerikane, nisi sulmin. Ngjarja ka ndodhur muajin e kaluar, por është mësuar vetëm tani.
Wall Street Journal vëren se Shtetet e Bashkuara po ndërmarrin taktika gjithmonë e më agresive ndaj kundërshtarëve të tyre: disa ditë më parë, SHBA sekurestroi një anije cisternë nafte në brigjet e Venezuelës, veprim ky i lidhur me fushatën kundër Nicolas Maduros dhe aleatëve të tij.
Anija u përshkrua si e një aksi që lidhte Karakasin, Iranin dhe Kubën. Ndërhyrja ndaj anijes mallrash që mbërrinte nga Kina po cilësohet si përpjekje për të penguar planet e Republikës Islamike.
Pas konfliktit të shkurtër midis Izraelit dhe Iranit këtë verë, Garda Revolucionare e Iranit po tenton të përmirësojë arsenalin e saj të raketave dhe të blejë sisteme të reja, pasi bombardimet e IDF-së, së bashku me sulmet amerikane, shkatërruan pjesërisht disa vende ku iranianët prodhonin raketa me rreze të gjatë veprimi.
