Pak orë para protestës së paralajmëruar, Policia ka rrethuar me barriera metalike perimetrin pranë Parlamentit, nga Xhamia e Namazgja...
KOSOVA
Kurti: Ushtria e Kosovës, sot më e fortë se kurrë më parë! Terroristët e lidhur me Beogradin sulmuan institucionet dhe KFOR-in në veri
PiranjatPërditësimi i fundit 26 Tetor 2025, 11:50
Në një fjalim të mbajtur në Kuvendin e Kosovës, Kryeministri Albin Kurti ka renditur një sërë sulmesh dhe provokimesh që Kosova ka përballuar vitet e fundit nga Serbia. Ai ka theksuar se këto veprime agresive nga ana e Serbisë kanë përfshirë dy herë dërgimin e ushtrisë në kufi, sulme terroriste, dhe veprime të dhunshme në veri të Kosovës.
Kurti ka përmendur sulmin në Banjskë dhe dy sulmet terroriste që ndodhën aty, si dhe përpjekjet për të dëmtuar infrastrukturën kritike të Kosovës, veçanërisht kanalin Ibër-Lipenc. Ai gjithashtu ka folur për barikadat, sulmet ndaj institucioneve, KFOR-it, policisë dhe gazetarëve në veri të Kosovës, duke i atribuar këto akte grupeve kriminale që janë të lidhura me Beogradin.
"Jemi përballur me provokime të vazhdueshme dhe sulme të Serbisë, që solli dy herë ushtrinë në kufi. Kishim dy sulme terroriste në Banjskë, si dhe në infrastrukturën kritike në kanalin Ibër-Lipenc. Kishim barikada, sulme ndaj institucioneve dhe KFOR, policisë, gazetarëve në veri të Kosovës, nga struktura kriminale të lidhura në Beogradin," tha Kurti, duke e theksuar forcën e ushtrisë kosovare.
Në përfundim, Kryeministri Kurti shtoi se Ushtria e Kosovës është tashmë më e fortë se kurrë më parë dhe se do të vazhdojë të jetë një forcë e sigurisë dhe stabilitetit për të gjithë qytetarët e Kosovës.
