DashiSot fuqitë tuaja bindëse janë në nivelin më të lartë. Kjo është një ditë e mirë për t&eu...
KOSOVA
“Nuk je fëmija im, jeni kopil”/ Djali denoncon babanë në polici, i bashkohet edhe nëna
PiranjatPërditësimi i fundit 12 Tetor 2025, 11:39
Një rast i dhunës në familje është raportuar të shtunën pasdite në fshatin Korroticë e Epërme të Gllogocit, ku një grua dhe djali i saj kanë denoncuar bashkëshortin dhe babain e tyre për ofendime dhe kanosje verbale e fizike.
Sipas të dhënave të Sinjalit, ngjarja është raportuar më 11 tetor 2025, rreth orës 16:20, në Stacionin Policor të Drenasit, ku viktimat S. H. rreth 56-vjeçar dhe F. H. rreth 21-vjeçar kanë deklaruar se janë sulmuar dhe fyer nga H. H rreth 57-vjeçar, bashkëshorti dhe babai i tyre.
Në deklaratën e saj, S.H. ka thënë se është e martuar me të dyshuarin prej 28 vitesh, kanë shtatë fëmijë të rritur dhe se për vite me radhë është ofenduar dhe keqtrajtuar vazhdimisht nga bashkëshorti.
Ndërkohë, djali i tyre F. H. ka treguar se një ditë më parë, më 10 tetor, i ati i kishte ofenduar rëndë atë dhe nënën duke u thënë se “nuk jeni fëmijët e mi” dhe “jeni kopila”. Sipas tij, nga stresi kishte dalë me veturë dhe kishte humbur kontrollin duke dalë nga rruga, ndërsa kur babai kishte shkuar për t’i ndihmuar, e kishte kapur për fyti, por pa shkaktuar lëndime fizike.
Pas intervistimit të palëve, njësitë e hetimeve kanë kontaktuar Prokurorin për Dhunë në Familje, i cili ka urdhëruar që rasti të iniciohet si “Dhunë në familje”, ndërsa i dyshuari është liruar në procedurë të rregullt. Hetimet për rastin janë në vazhdim.
