Radhë e gjatë automjetesh është krijuar në pikën kufitare të Kakavijës, në krahun e palës greke.
Burime nga...
KOSOVA
Piranjat denoncuan drejtorin që ngacmonte seksualisht vajzën e mitur, reagon AAK: Veprime të turpshme!
PiranjatPërditësimi i fundit 20 Maj 2026, 13:58
Aleanca për Ardhmërinë e Kosovës, Dega në Gjakovë, ka reaguar pas publikimit nga Piranjat të skandalit ku drejtori i shkollës fillore në Damjan të Gjakovës, Nazmi Pnishi, ngacmonte seksualisht një vajzë të mitur. Përmes një komunikate Aleanca për Ardhmërinë e Kosovës, deklaron se janë thellësisht të tronditur dhe shqetësuar, nga rasti i publikuar mbrëmë në media, në të cilin u shpërfaqen akte të ulta e të turpshme.
“Shprehim shqetësimin e thellë dhe indinjatën e pastër lidhur me rastin e punonjësit të shërbimit publik, Nazmi Pnishi, të publikuar mbrëmë në emisionin investigativ “Piranjat”. Veprimet e shfaqura në këtë material janë plotësisht të papranueshme, të turpshme dhe bien ndesh me çdo normë njerëzore, morale e profesionale, posaçërisht në sektorin e arsimit ku përgjegjësia ndaj fëmijëve tanë është e shenjtë”, shkruan AAK.
Reagimi i plotë:
Aleanca për Ardhmërinë e Kosovës, Dega në Gjakovë, shpreh shqetësimin e thellë dhe indinjatën e pastër lidhur me rastin e punonjësit të shërbimit publik, Nazmi Pnishi, të publikuar mbrëmë në emisionin investigativ “Piranjat”. Veprimet e shfaqura në këtë material janë plotësisht të papranueshme, të turpshme dhe bien ndesh me çdo normë njerëzore, morale e profesionale, posaçërisht në sektorin e arsimit ku përgjegjësia ndaj fëmijëve tanë është e shenjtë.
Tendenca e ulët nga partitë politike për të kapitalizuar dhe bërë propagandë elektorale mbi një rast që prek të miturit është e pafalshme dhe e papërgjegjshme. Reagimi ynë ka qenë i menjëhershëm dhe i prerë, prandaj distancohemi fuqishëm nga çdo përpjekje për ta ndërlidhur këtë rast me AAK-në. Sqarojmë opinionin publik se personi i apostrofuar nuk është pjesë aktive e strukturave të AAK-së që nga viti 2021 dhe nuk përfaqëson asgjë tonën.
AAK nuk mbron individë, por parime dhe vlera. Sundimi i ligjit, transparenca dhe përgjegjësia institucionale janë shtyllat mbi të cilat ne qëndrojmë, prandaj kërkojmë nga organet e drejtësisë që ky proces të zhvillohet në mënyrë të shpejtë, të paanshme dhe që ky person të marrë dënimin maksimal sipas ligjit.
Siguria e fëmijëve tanë është absolute dhe kushdo që e cenon atë do të përballet me forcën më të rrepta të ligjit dhe me ndëshkimin më të rëndë institucional, pa asnjë kompromis.
