Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
KOSOVA
Sajesa serbe? Daçiç: Kemi sekuestruar materiale të UÇK (bluza dhe shalle), do përdoreshin për provokim në ndeshje
PiranjatPërditësimi i fundit 9 Tetor 2025, 15:38
Ministri i Punëve të Brendshme të Serbisë, Ivica Daçiç, ka njoftuar të enjten se në pikëkalimin e Merdarit është arrestuar një shtetas shqiptar, D.P. (53 vjeç), të cilit iu gjetën “materiale të ashtuquajtura propagandistike të Ushtrisë Çlirimtare të Kosovës”.
Dyshohet, sipas Daçiçit, se këto materiale ishin planifikuar të përdoren gjatë ndeshjes së futbollit mes Serbisë dhe Shqipërisë që do të zhvillohet në Leskovac më 11 tetor në kuadër të kualifikimeve për Botërorin 2026.
Ai ka thënë se i dyshuari akuzohet për veprën penale të nxitjes së urrejtjes dhe intolerancës kombëtare, racore dhe fetare.
Ai specifikoi se policia, gjatë kontrollit në pikëkalimin e Merdarit, pas inspektimit të një veture “Mercedes”, me të cilin i dyshuari po udhëtonte nga drejtimi i Kosovës, ka gjetur pesë çanta që përmbanin 22 bluza, 244 flamuj dhe 86 kapele me mbishkrimin “UÇK”, 65 bluza me imazhin e Agim Ramadanit, 58 shalla me stemën e Shqipërisë, si dhe 92 kapele të tjera.
I dyshuari është ndaluar për 48 orë dhe do të dërgohet në Prokurorinë e Lartë Publike në Prokuplje.
“Pjesëtarët e Ministrisë së Punëve të Brendshme po zbatojnë vazhdimisht masa dhe veprime për ruajtjen e rendit dhe qetësisë publike dhe sigurisë në ngjarjet sportive, për të siguruar zhvillimin e ndeshjeve në një ambient të sigurt dhe në përputhje me të gjitha masat e përcaktuara nga Federata e Futbollit e Serbisë”, ka shtuar Daçiç.
