Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
KOSOVA
Shërbeu në Shqipëri si ministre e arsimit, Besa Shahini hedh votën e saj tashmë si kandidate për Prishtinën
PiranjatPërditësimi i fundit 12 Tetor 2025, 11:44
Ish-ministrja shqiptare e arsimit dhe njëkohësisht kandidatja e Partisë Socialdemokrate të Kosovës, për kryetare të Prishtinës, Besa Shahini, ka ushtruar të drejtën e saj të votës sot në shkollën fillore “Iliria” në kryeqytet.
Pas votimit, Shahini i bëri thirrje të gjithë qytetarëve që të marrin pjesë në zgjedhje, duke vënë theks të veçantë te pjesëmarrja e grave.
“Ftoj të gjithë qytetarët të dalin të ushtrojnë të drejtën e tyre për të votuar, sidomos gratë. Kemi folur shumë që në zgjedhjet lokale votojnë më pak sesa burrat, i ftoj të gjitha që sot ta përmbysim këtë statistikë dhe të jemi në numër sa më të madh duke marrë pjesë në zgjedhje,” tha Shahini.
Sipas të dhënave të Komisionit Qendror të Zgjedhjeve, numri i përgjithshëm i votuesve të regjistruar në komunën e Prishtinës është mbi 224 mijë. Votimi po zhvillohet në 54 qendra të rregullta me gjithsej 268 vendvotime, si dhe një qendër votimi me kusht.
Procesi zgjedhor në Prishtinë po vijon i qetë dhe me pjesëmarrje në rritje, ndërsa pritet që rezultatet preliminare të publikohen pas përfundimit të votimit.
