Në mbështetje të studentëve që protestojnë para Ministrisë së Arsimit, protestës i është bashkuar edhe ...
LIFESTYLE
Dua Lipa kishte intervistuar muajin e kaluar fituesin e Çmimit Booker, David Szalay
PiranjatPërditësimi i fundit 13 Nëntor 2025, 16:51
Muajin e kaluar, këngëtarja shqiptare me famë botërore, Dua Lipa, kishte zhvilluar një bisedë të veçantë me shkrimtarin britaniko-kanadez David Szalay në kuadër të podcastit të saj Service95 Book Club, realizuar në partneritet me Spotify dhe New York Public Library, shkruan KultPlus.
Në episodin e regjistruar drejtpërdrejt para publikut, Dua dhe Szalay diskutuan romanin “Flesh”, një vepër që më pas do të shpallej fituese e Çmimit Booker, një nga nderimet më prestigjioze në letërsinë botërore.
Në këtë bisedë, Dua Lipa e cilësoi romanin si një udhëtim emocional dhe filozofik në jetën e protagonistit István, i cili përshkon dekada, kontinente dhe marrëdhënie njerëzore. Ndërsa Szalay rrëfeu se titulli “Flesh” që në pamje të parë tingëllon i ashpër është një reflektim mbi trupin, jetën dhe përvojën njerëzore si diçka thellësisht fizike dhe reale.
Autori foli edhe për frymëzimet e tij nga ngjarje të mëdha globale si lufta në Irak apo valët migratore në Evropë, që ndikojnë në mënyrën se si njerëzit jetojnë, duan dhe përshtaten.
Intervista e Duas me Szalay u mirëprit gjerësisht nga publiku dhe mediat ndërkombëtare, duke treguar se platforma e saj Service95 po bëhet gjithnjë e më shumë një hapësirë e rëndësishme për dialog kulturor, art dhe reflektim.
Me fitimin e Çmimit Booker nga “Flesh”, biseda e Dua Lipës me David Szalay merr një tjetër dimension duke e vendosur këngëtaren shqiptare jo vetëm si një ikonë të muzikës, por edhe si një zë të fuqishëm në botën e letërsisë dhe mendimit bashkëkohor.
