Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
LIFESTYLE
Moti i paqëndrueshëm godet Shqipërinë/ Bëni gati çadrat këtë fundjavë
PiranjatPërditësimi i fundit 26 Shtator 2025, 16:03
Fundjava e 27–28 shtatorit pritet të sjellë mot të paqëndrueshëm në të gjithë Shqipërinë, me reshje shiu, herë pas here edhe rrebeshe, kryesisht në jug dhe juglindje. Meteorologia, Lajda Porja paralajmëron se edhe zonat veriore dhe qendrore, përfshirë kryeqytetin, do të përjetojnë reshje, por në sasi më të vogla.
"Edhe e shtuna dhe e diela, ndonëse në orët e paradites do të jenë kryesisht me kthjellime, pjesa e dytë e ditës do të ketë zhvillim të vranësirave, duke sjellë reshje, herë pas here edhe rrebeshe," tha Porja.
Temperaturat do të vijnë në ulje, duke e bërë këtë fundjavë tipike për stinën e vjeshtës. Temperatura do të arrijnë deri në deri në 27–28 gradë, ndërsa një rënie pritet gjatë ditës të dielë. "Nga e shtuna, e diela dhe fillimi i javës tjetër do të ndjejmë qartë atmosferën e vjeshtës, pas një shtatori shumë të nxehtë," shtoi meteorologia.
Një shqetësim tjetër është era, e cila në disa momente mund të arrijë deri në 50 km/orë. Kjo pritet të ndikojë kryesisht në brigjet detare, sidomos të shtunën në mbrëmje dhe gjatë natës e së dielës, duke sjellë vështirësi në trafikun detar.
Meteorologët parashikojnë se këto kushte moti do të na shoqërojnë edhe javën që vjen.
