Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
LIFESTYLE
Pse adoleshentët thonë 6-7?/ Arsyeja pas kësaj fraze tashmë virale tek fëmijët
PiranjatPërditësimi i fundit 10 Nëntor 2025, 14:24
Një tjetër trend viral ka pushtuar TikTok-un dhe rrjetet sociale, dhe këtë herë quhet “gjashtë shtatë” ose në versionin anglez, “six seven”. Fëmijët dhe adoleshentët duket se nuk ndalen së përmenduri këtë frazë, duke e kthyer në një meme që po qarkullon kudo në internet!
Por nga doli kjo “çudi” e re?
Gjithçka nisi nga kënga “Doot Doot (6 7)” e artistit Skrilla, ku përsëritet vazhdimisht fraza “six-seven”. Më pas, përdoruesit e TikTok-ut e kthyen këtë në një trend argëtues, që sot përdoret për çdo gjë nga rezultatet e testeve, tek shakatë për basketbollin, e deri tek video me sinkronizim buzësh.
Në këtë histori është përfshirë edhe ylli i NBA-së, LaMelo Ball, i cili shpesh përmendet si frymëzimi i trendit, për shkak të gjatësisë së tij prej 1.88 metrash (6’7”).
E megjithatë… çfarë kuptimi ka fraza “gjashtë shtatë”? Sipas vetë përdoruesve të TikTok-ut, asnjë! Po, e lexove saktë. “Gjashtë shtatë” nuk do të thotë absolutisht asgjë është thjesht një shaka absurde, një mënyrë për të treguar që je “në valë me trendet” dhe pjesë e shakasë që vetëm të “brendshmit” e kuptojnë.
Një koment viral në një nga videot më të ndjekura e shpjegon më së miri:
“Mendoj se qëllimi është që nuk ka kuptim.” Në fund të fundit, ky trend tregon sërish se interneti e do absurditetin dhe humorin pa logjikë dhe ndonjëherë, pikërisht për këtë arsye, ai bëhet kaq argëtues.
Sociologët dhe ekspertët e kulturës dixhitale e lidhin këtë lloj humori me atë që quhet “nonsense culture” pra, kur diçka bëhet qesharake pikërisht sepse nuk ka kuptim. Në një botë të mbushur me lajme serioze dhe presion online, trendet si “Gjashtë Shtatë” ofrojnë një moment çlirimi, një “shaka kolektive” që na bën të ndiejmë se jemi pjesë e diçkaje më të madhe… edhe nëse ajo nuk ka asnjë kuptim.
