Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
POLITIKE
"14 maji"/ Financimi i partive politike, Celibashi: Nuk punojmë me shenjtë, por këto zgjedhje duket se ka kujdes
PiranjatPërditësimi i fundit 19 Prill 2023, 11:00
Ilirjan Celibashi
TIRANË- Ilirjan Celibashi, Komisioner Shtetëror i Zgjedhjeve, ka mbajtur një fjalë në takimin e sotëm për financimin e partive politike në zgjedhje, duke shtuar se menaxhimi i situatës nuk do të jetë i thjeshtë nga ana e organeve kompetente. Në fjalën e tij gjatë takimit të organizuar me temën “Shfrytëzimi i potencialit të sistemeve të raportimit dhe deklarimit online të financimit të partive politike”, Celibashi shtoi se partitë Politike nuk duhet të demonstrojnë në mënyrë arrogante fuqinë për të shpenzuar para. Megjithatë sqaroi se këtë vit palët kanë qenë më të përmbajtura.
"Rikonfirmoj gjithë angazhimin dhe seriozitetin lidhur me financimin e partive politike në përputhje me Kodin Zgjedhor, dhe mos pasur ndroje kur këto të fundit kanë problematika me financimin. Mendoj që do të jetë diçka ndryshe nga herët e tjera dhe duhet ta them që tej gjithë retorikës politike, duket që ka një lloj kujdesi për t'i respektuar këto rregulla për financimin e partive politike dhe transparencës për burimin e fondeve të fushatës. Por as unë dhe as ju nuk e kemi iluzionin që kemi të bëjmë me 'shenjtë' kur vjen puna për paratë që duan të marrin dhe kërkojnë partitë politike. Kjo nuk ndodh vetëm në Shqipëri por kudo në botë. Ne si institucion mund të bëjmë më shumë për t'i bërë të përmbajtura që të mos demonstrojnë në mënyrë arrogante fuqinë e tyre për të shpenzuar para pa limit në fushatën zgjedhore,"-tha Celibashi.
Pjesë e këtij dialogu ndërkombëtar janë edhe përfaqësues nga Transparency International, ekspertë vendas dhe të huaj, të cilët do të diskutojnë praktikat më të mira ndërkombëtare mbi raportimin onlinë të financave të partive politike gjatë fushatave zgjedhore.
International IDEA, në bashkëpunim me Qendrën për Shtetin e së Drejtës në Finlandë, po mbështet KQZ-në, partitë politike dhe shoqërinë civile, duke paraqitur, së pari, modele të suksesshme dhe duke ofruar ekspertizë për digjitalizimin e raportimit dhe deklarimit të financimeve të partive politike. Instituti dhe Qendra RoL mbështesin edhe përpjekjet më të gjera të organizatave të shoqërisë civile për të përmirësuar rolin e tyre mbikëqyrës dhe aftësinë për të gjurmuar lëvizjet e fondeve në politikë.
