Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
POLITIKE
8 Dhjetori/ Berisha: Azem Hajdari dhe studentët rrëzuan komunizmin dhe sollën demokracinë
PiranjatPërditësimi i fundit 8 Dhjetor 2025, 11:55
Kryetari i Partisë Demokratike, Sali Berisha gjatë fjalës së tij në sheshin “Demokracia”, aty ku ndodhet busti i Azem Hajdarit deklaroi se Shqipëria ka përjetuar regjimin diktatorial më të egër në europë.
Berisha kujtoi Azem Hajdarin si udhëheqësin e lirisë dhe demokracisë që organizoi protestat e studentëve kundër regjimit komunist. Kreu i PD-së theksoi se brenda 72 orësh studentët arritën të rrëzonin komunizmin dhe të hapnin rrugën drejt demokracisë.
Pjesë nga fjala e Berishës:
“Është një prej datave më të shënuara të historisë së Shqipërisë, 8 dhjetor 1990. Një përshëndetje të për të gjithë dhjetorisët kudo që janë sot.
Çfarë do të bëjmë për rolin tuaj të jashtëzakonshëm në dhjetor të vitit 1990 në historinë e lirisë së shqiptarëve? Si sot 35 vite më parë, studentët të udhëhequr nga simboli i lirisë Azem Hajdari i cili nisi revolucionin demokratik për rrëzimin e regjimit komunist. Prandaj kombi shqiptar nderon 8 dhjetorin. Ishin misionar të paepur epokal në ndryshimin e historisë së vendit të tyre. Shpallën si moto të revolucionit të tyre “Shqipëria si gjithë europa”.
Azem Hajdari dhe studentët ishin heronj të vërtetë, dolën në rrugët e Tiranës të vetëm, të braktisurat nga shqiptarët, të braktisur nga europa. Në atë dhjetor ishin të shumtë që pas dështimit të 2 korrikut duhej të mbetej në komunizëm, Kuba e kontinentit europian. Studentët në atë kohë guxuan dhe u përballën me regjimin komunist që vriste çdo dit njerëzit që tentonin të arratiseshin në kufi. Donin që askush të mos guxonte të kundërshtonte regjimin komunist.
Studentët me armën e tyre guximin nisën revolucionin më të madh demokratik, e nisën ne 5 dhjetor dhe për 72 orë imponuan themelimin e demokracisë në Shqipëri. Shqiptarët në Shqipëri përjetonin diktaturën më të egër.”
