Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
POLITIKE
Abilekaj: 13 vite dështoi në sigurinë ushqimore, qeveria mashtron për standardet dhe integrimin
PiranjatPërditësimi i fundit 21 Prill 2026, 18:51
Gazetari Enton Abilekaj, në një intervistë në SYRI TV me moderator Edvin Parruca, ka akuzuar qeverinë për dështim të gjatë në garantimin e sigurisë ushqimore dhe për mungesë veprimesh konkrete gjatë 13 viteve në pushtet.
Sipas tij, pavarësisht premtimeve për standarde europiane dhe integrim të shpejtë në Bashkimin Europian, realiteti në vend mbetet problematik, ndërsa qytetarët vazhdojnë të përballen me produkte jashtë standardeve dhe mungesë kontrolli efektiv nga institucionet.
Enton Abilekaj: Ka aq shumë gjëra sa është e vështirë t'i trajtojmë të gjitha në pak minuta, por ama është e sigurt që kemi një problem shumë të madh me qeverinë. Cili është problemi i parë që kemi ne me qeverinë. Problemi i parë është që kemi me qeverinë është që këto mungesë në sigurisë ushqimore, prej 13 vjetësh nuk i ka adresuar akoma. Pra, në qoftë se Edi Rama sot na thotë që ne kemi probleme me thertoret, ne kujtojmë ato aksionet që bënte në 2014-ën, në 2015-ën, në këtë periudhë, për mbylljen e thertoreve të cilat nuk plotësonin standartet. Dhe kërkonte që të paguhej, të merreshin fonde nga AZHBR-ja, nga IPARD-i, që të bëheshin thertore të standarteve europiane.
Sot jemi 12 vjet mbrapa të paktën dhe nuk është bërë asnjë thertore? Kanë 13 vjet shqiptarët që kur ka ardhur kjo qeveri që hanë jashtë standarteve dhe sëmuren nga qumështi që thotë ai për shembull, që pranoi sot. Dhe ne tani duhet ta përmirësojmë qumështin sepse erdhën BE-ja apo për të mirë të shqiptarëve? Pra shqiptarët duhet të sëmuren.
Por kur futemi në BE që mund të marrin qumësht edhe qytetarët europianë, këta nuk duhet të sëmuren. Apo jo? Kur shkojmë në spitale, shqiptarët dhe nuk kanë shërbim, mund të vdesin. Por po vajtëm në BE që mund të vijnë edhe qytetarë europianë, ata nuk duhet të vdesin. Për këtë e ka fjalën qeveria. Për çfarë do të na thotë për këto 13 vjet? Sepse këto duhet të na japin shpjegim pse për 13 vjet siguria ushqimore ka mbetur më keq ose njësoj se ç'ka qenë. Pse nuk kemi plotësuar ne këtë standart që na duhet për të jetuar qytetarët e këtij vendi dhe që e kanë votuar dhe që paguajnë taksat? Dhe pastaj vjen dhe na bën konferenca pa asnjë lloj ideje, pa asnjë lloj aksioni dhe këtë e vuri re dhe Gonzato që tha që nuk ka nevojë të bëni ligje, po duhet të bëni ëh, aksion. Duhet të ketë veprime konkrete.
Cili është veprimi konkret?
Sa e thjeshtë ka qenë që qumështi që prodhohet nga secila familje fermere të kishte cilësi dhe të mos kishte përmbajtje të lartë bakteriale. Sa e thjeshtë ka qenë që toka të mos ketë helme të cilat garantojnë jetëgjatësinë e produkteve por, jetëshkurtësinë e shqiptarëve.
Këto janë gjëra që kanë qenë fare të thjeshta për t'u bërë në 13 vjet. Ashtu si thertoret, ishin fare të thjeshta kur pati një aksion sado minimal dhe u la në mes, sepse si çdo gjë që bën kjo qeveri, çdo gjë është aksion dhe fasadë. Nuk ka asnjë vlerë në të vërtetë. Pra Edi Rama, pas 13 vjetësh, nuk mund të bëj sikur ka ardhur sot kryeministër dhe të thotë ne s'kemi standarte. Jemi ku thërret qameti, jemi shumë larg prej Bashkimit Europian, nuk e arrijmë dot këtë deri në 2030-ën. Po në qoftë se s'e arrin dot deri në 2030-ën, për 17 vjet nga 2013-a, çfarë ke bërë për 17 vjet?
Po sa kohë do për të rregulluar kjo gjë? 100 vjet kryeministër duhet të rrish për ta rregulluar? Kurse kur thua unë do 17 vjet, çfarë do bësh në periudhën tjetër që të mbetet? Në qoftë se do ta kesh. Që i kërkon Bashkimit Europian kohë. Kështu që kjo është e para, problemi më i madh që kemi me këtë qeverinë ne. Problemi i dytë është pastaj që kjo qeveri ka gënjyer. Se na ka thënë që ne jemi gati për të hyrë në Bashkimin Europian në 2027-ën, për të mbyllur kapitujt, apo jo? Në fakt, sot po thotë që ne nuk jemi gati. Sot po thotë që ne do i themi atyre, shiko, mbylleni syrin kështu se po vijmë ne.
Kreu i Partisë Demokratike Sali Berisha ka akuzuar kryeministrin Edi Rama se nuk ka prioritet interesat e shqiptarëve, por interesat e tij personale...
