Të ardhurat që shteti siguron nga dhënia me qira e pasurive të sekuestruara dhe të konfiskuara kanë shënuar një rritje t...
POLITIKE
Abilekaj: Emri i Ramës i ekspozuar në dosjet e SPAK, politikisht ai është përgjegjësi kryesor
PiranjatPërditësimi i fundit 12 Shkurt 2026, 21:29
Analisti Enton Abilekaj ka deklaruar se emri i kryeministrit Edi Rama ka dalë tashmë në disa prej dosjeve më të bujshme të hetuara nga SPAK, duke përmendur dosjen 184, çështjen e Llogarasë dhe hetimet që lidhen me AKSH-in.
Në studion e ‘Çim Peka Live’ në SYRI TV, Abilekaj u shpreh se në këto materiale hetimore shfaqen elementë që tregojnë mënyrën e ushtrimit të pushtetit dhe raportet me biznesmenë për tendera publikë. Ai theksoi se, pavarësisht nëse do të ketë apo jo përgjegjësi penale të provuar nga drejtësia, në planin politik kryeministri mban përgjegjësi për mënyrën si është administruar pushteti dhe për lidhjet me personat e përfshirë në hetime.
Enton Abilekaj: Në fakt, emri i Ramës, aty ku është lejuar të dalë, dhe ka dalë i plotë me gjithë aktivitetin e vet, është dosja 184, është dhe dosja e Llogarasë ose dosja e ‘Ballukut’ siç njihet. Është e qartë, ne e shohim aty se si të gjitha udhëzimet që jepen aty, janë pasi ata, fituesit, kanë takuar Ramën. Dhe kjo është hera e parë që SPAK-u ka shkuar deri te Rama. Pavarësisht se nuk e ka bërë nën akuzë, se është një dosje tjetër e të tjera e të tjera. Pavarësisht se hetimi nuk ka shkuar deri atje, por është hera e parë që ne e shohim të zbuluar se si qeveris Rama, si urdhëron Rama dhe si takon Rama biznesmenët në biseda private dhe u premton tendera miliona eurosh. Kështu që emri i Ramës ka dalë. Nuk është më, edhe në Sky ka dalë, kuptohet, por ka dalë në vetë të tretë, këtu ka dalë më hapur, më e qartë dhe shoqërohet me veprime konkrete. Biznesmeni filan që ka takuar Ramën, merr një tender. Biznesmeni dhe pronari i mediave filan, që ka folur me Ramën, paguhet. E të tjera e të tjera. Pra, është e qartë fare që këtu ka një pushtet të cilin ai e shfrytëzon në mënyrë okulte, siç gjithë, si çdo pushtet që kontrollon gjithçka, dhe kontrollin okult me përfitime që ne nuk i dimë, por duhen hetuar, pastaj e imponon tek varësit e tij. Kështu që nuk është fare çudi emri i Ramës.
Emri i Ramës, nuk e di a do të dalë, sepse ne nuk e kemi parë të plotë dosjen e AKSH-it, por është e qartë që edhe aty është Edi Rama, apo jo? Ne e dimë shumë mirë. Lidhja që Edi Rama ka me të gjithë këta protagonistët e akuzuar të AKSH-it, me atë grupin e strukturuar kriminal që thotë SPAK-u, është një lidhje që tashmë e njohur për të gjithë. Mbrojtja që Rama i bën atyre, është një mbrojtje e detyruar për të gjithë. Se ne e dimë shumë mirë që Mirela Kërçanaj, drejtoresha e AKSH-it, e dimë shumë mirë që ka vite, më shumë se tetë vjet aty. Dhe ka punuar me njerëz të ndryshëm në afera të ndryshme me fonde të pafundme, 500 milionë euro e sipër në vit, dhe e dimë shumë mirë që nuk jeton në shtëpi me qira, nuk është pasuri e vetme e saj shtëpia me qira. Ashtu siç thotë Rama. Ashtu siç e dimë shumë mirë që njerëzit e shpallur në kërkim nga kjo dosje, janë në Shqipëri dhe SPAK-u nuk i arreston dot, sepse nuk do policia.
Dhe policinë e drejton Edi Rama. Apo jo? Ashtu siç e shohim shumë mirë, që ju e keni parë, që një ish-nëndrejtor i AKSH-it, i cili ka dy vjet që ka ikur që aty, dhe që nuk ka asnjë vendimmarrje te AKSH-i, sot po sulmohet vetëm pasi dëshmoi për çfarë ka ndodhur në AKSH. Dhe dihet shumë mirë kush e sulmon. Mediat që e sulmojnë dhe arsyet pse e sulmojnë. Dhe as SPAK-u nuk e mbron dëshmitarin e vet, që vajti, bashkëpunoi me të, dhe as qeveria nuk kujtohet ta ndihmojë një njeri që ka bashkëpunuar me drejtësinë.
Pse? Sepse qeveria është e rreshtuar në anën e kriminelëve, nuk është e rreshtuar në anën e atyre që ndihmojnë drejtësinë. Kështu që emri i Ramës është i ekspozuar. Rama vetë ka dalë hapur kundër drejtësisë në bashkëpunim me të akuzuarit dhe kriminelët. Dhe ne nuk kemi pse presim më të dali. Pra, juridikisht është tjetër çështje se çfarë do të bëjë SPAK-u, është tjetër gjë çështje. Politikisht Rama është një njeri i pandehur sot për ne. Politikisht Rama është hajduti numër një në Shqipëri. Dhe kjo nuk ka diskutim. Dhe vjedhjet për të cilat ai akuzohet, janë të nivelit shumë të lartë, të paimagjinueshëm. Dhe kjo nuk ka nevojë për SPAK-un.
