Prezenca e OSBE-së në Shqipëri ka reaguar pas protestave të dhunshme dhe tensioneve që kanë përfshirë Tiranën gjat&...
POLITIKE
Ahmetaj: Rama u konsultua me Ballukun te ‘vila e kuqe’. Mandati i 4-të, varreza politike e tij
PiranjatPërditësimi i fundit 15 Tetor 2026, 21:28
Ish-zëvendëskryeministri Arben Ahmetaj ka deklaruar mbrëmjen e sotme, se Edi Rama është konsultuar sot me Belinda Ballukun në vilën e kuqe. I ftuar në ‘Çim Peka LIVE’ në SYRI TV, duke folur për protestën studentore, u shpreh se, mandati i katërt për Ramën është varreza politike e tij.
Ahmetaj deklaroi se, Rama po konsultohet me Ballukun, ndërsa nuk pranon të dëgjojë zëra racionalë brenda Partisë Socialiste.
Pjesë nga intervista e Arben Ahmetajt:
Çim Peka: Zoti Ahmetaj, ju po thoni, një sekondë, ju po thoni Rama ka vetëm një rrugë, të mos largohet sepse nuk ikën dot, protesta ka vetëm një rrugë, ta largojë. Pra në qoftë se janë vetëm këto të dy rrugë tërësisht të kundërta, përplasja do të jetë e pashmangshme. Kur them përplasja, jo këto që po shohim ë.
Arben Ahmetaj: Më fal... Edhe një herë zoti Peka. Çdo pikë gjaku, qytetari apo studenti, polici apo punonjësi të ligjit është në kurriz të kreut të organizatës. Po tenton të përdorë policinë në kufijtë e bandës për karrigen e vet. Pamjet e atij djalit që i varej këmba, apo pamjet e grupeve të civilëve që rrëmbejnë... se në gjuhën e ligjit ato quhen rrëmbim. Nuk janë parë as në Faluxha.
Dhe për një sjellje sa një e dhjeta e asaj që bëjnë disa policë sot, është djegur Los Anxhelosi. Dhe kur dalin dhe thonë që po dëmtohet prona, mua më vjen shumë keq që dëmtohet prona. Por nuk është dëmtim prone, është revoltë e një dëmtimi të përditshëm që kreu i organizatës i bën Shqipërisë. Pse nuk ankohen... ata që ankohen për dëmtimet le të duhet të ankohen, pse nuk i vënë numra dëmtimit që i bën kartelizimi i drogës në Shqipëri?
Pse nuk i vënë numra dëmtimit që vjen nga vjedhjet, nga betonizimi, nga krimi i organizuar, nga vrasja e demokracisë dhe e drejtësisë? Le ta bëjnë këtë kontabilizim dhe do llahtarisen nga shumat. E kjo është shumë e... dhe kjo është shumë e rëndësishme. Pra ajo që do të thosha është, nuk është më çështje frike. Është çështje kushtëzimi. E ka kushtëzuar veten në shtatë ditët e fundit të tij politike që të vijë tek kjo ditë. Kemi bërë debat me ty dhe me shumë miq. Të kam thënë që mandati i vjedhur i katërt do jetë varrezë politike. Dhe të kam thënë që do ketë një shpërthim sepse ai popull ka qenë në kërkim të shpirtit të vet dhe e ka gjetur. Dhe sot, kush flet për dëmtim, duhet të fillojë të numërojë vjedhjet e plaçkitjes, drogën që ka futur aprovimi i kreut të organizatës, vjedhjet e përditshme në lejet e ndërtimit, në tenderat e rrugës, në tenderat e OSHEE-së, në tenderat e ujit, te tigrat, te macet, te qentë.
Çim Peka: Zoti Ahmetaj, si ndiheni kur shikoni që asnjë nga ish-kolegët tuaj nuk i thotë sot, 'ore ku po shkon'?
Arben Ahmetaj: I dashur, as pres sot që ndonjë nga ish-kolegët e mi t'i shkojë dhe t'i kërkojë arsye...
Çim Peka: Kaq parti e tredhur është kjo?
Arben Ahmetaj: ...se... pra, nuk pres që kolegët e mi t'i kërkojnë pse erdhëm këtu. Pse ne jemi sot duke i hedhur fajin popullit? Në çfarë vendi të botës i hidhet faji popullit? Domethënë e paska fajin populli, njeri...
Çim Peka: Ore, po ta bëra pyetjen... ta bëra pyetjen konkrete. Edhe një a dy që lehnin për qëndresë dhe që do rreshtoheshin në anën e popullit, harruan lehjen dhe votuan pro tij. Pyetja ime për ty është kjo. Ti je një nga fytyrat e partisë dhe atij grupi, po flas për këta që kanë qenë figurat kryesore të Partisë Socialiste. Kaq të tredhur janë si parti, sa asnjëri prej tyre nuk del t'i thotë publikisht 'ore ku po shkon'? Sali Berishës në '97-ën i kanë dhënë dorëheqjen 13 ministra në një ditë. 13 ministra në një ditë. Keq apo mirë, në '97-ën kurrë nuk është djegur Tirana dhe Shqipëria siç ka ndodhur sot. Por ama 13 ministra, 85% e qeverisë i ka dhënë dorëheqjen në një ditë, pa dëshirën e tij. Ndërsa këtu asnjëri prej tyre nuk i ka ato të dathura t'i thotë të paktën publikisht 'ore ku po shkon, a mund të digjet Shqipëria për ty'?
Arben Ahmetaj: Zoti Peka, ky ia doli ta vriste politikën në Partinë Socialiste. Ia doli ta vriste me breza dhe në mënyrë të kalkuluar. Pra sot unë do isha naivi më i madh që të prisja ndonjë nga ish-kolegët e mi, dhe ata që i dua shumë se ka që i dua shumë megjithëse jemi zënë e jemi urryer, nuk pres që t'i çojnë një copëz arsye në tryezë. Për më tepër duhet ta dini që sot ai është konsultuar me plaçkitësen, nuk pranon të konsultohet me mendje racionale të ngelura brenda Partisë Socialiste.
Çim Peka: Po thua që sot Rama është konsultuar... një sekondë, po thua se sot Rama është konsultuar me Belinda Ballukun?
Arben Ahmetaj: Me plaçkitësen te vila e kuqe. Po. Verifikojeni! Verifikojeni. Pra, nuk pres... unë mendoj, unë mendoj sot që të gjithë shqiptarët duhet të jenë edhe të ndjejnë, dhe ata që u është dëmtuar prona. Gjithçka ka ndodhur është një mesazh. Nuk ka paqe në një narkoshtet me në krye kreun e organizatës. Nuk ka paqe! Dhe jemi duke folur për një gjeneratë... dua ta kujtoni që kanë lindur pasi i janë hequr vizat me Bashkimin Europian. Nuk e kanë si premtim, e kanë kapur Europën përpara se ti t'jua premtosh. Janë njerëzit, janë nervat më të mprehta që kanë prekur humbjen e shpresës. Po të marr një shembull zoti Peka. Të më fali ajo familje me të cilën kam punuar për Partinë Socialiste në 2013-ën. Është ai djali... Klevis Metaj.
Arben Ahmetaj: Babai është burrë i nderuar dhe nëna zonjë e nderuar, me babanë e tij kam bërë fushatë në 2013-ën. Për çfarë ka dalë ai djali aty?
Çim Peka: Një sekondë, ai djali që po... ai djali që po grushtohej... një sekondë. Ai djali që po grushtohej me gjashtë policë, është djali i një familjeje socialiste?
Arben Ahmetaj: Ai është një yll i vërtetë, dhe babanë dhe nënën i ka yje të vërtetë. Kanë punuar për Partinë Socialiste me mua babai i vet në 2013-ën. Dhe sot djali i tij ka dalë kundër narkoshtetit. Është simboli i zhgënjimit të një brezi të tërë dhe të një populli të tërë. Po, babanë e ka burrë të nderuar. Ka emrin tim gjithashtu. Po, është super burrë dhe ai djali është një super djalë.
Çim Peka: Pse ka emrin tënd nuk e bën burrë të nderuar, po gjithsesi...
Arben Ahmetaj: Arben, nuk po bëja shaka. Quhet Arben Metaj. Të më fali...
Çim Peka: Po pra pra, quhet Arben Metaj. Emrin tënd e ka dhe Arben Mazniku po e ka Arben Mazniku ai, nuk është çështja e emrit.
Arben Ahmetaj: Zoti... ju referova me respekt babait të tij dhe familjes së tij se e njoh shumë mirë. Dhe djali i tij ka rënë nën dardhë, pra ka rënë dardha ka rënë nën dardhë. Djali i tij është simboli i zhgënjimit të një brezi të tërë dhe të një populli të tërë nga një njeri i cili erdhi si shpresë e dritës dhe po ikën si simbol i errësirës.
