Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
POLITIKE
“Ajo që bëri në Himarë ishte një provokim!" Berisha intervistë për median greke: Beleri, rasti më tipik ku Rama përdori pushtetin për të arritur qëllimet e tij
M.B.Përditësimi i fundit 23 Shkurt 2025, 22:02
ATHINA- Kreu i Partisë Demokratike Sali Berisha i cili ndodhej sot në Athinë në kuadër të një takimi me shqiptarët atje, ka dhënë një intervistë për Christos Mazanitis, për median ANT1. Berisha tha se në Shqipëri zgjedhjet janë një farsë dhe se kryeministri Edi Rama mobilizon të gjithë vendin në procesin zgjedhor.
“Në Shqipëri, zgjedhjet janë një farsë. Shqipëria është një narkoshtet, ku narkodiktatori (Edi Rama) mobilizon të gjithë vendin në procesin zgjedhor. Ai përdor para për të blerë vota. Përdor mafian, kartelët më të rrezikshëm mafiozë për të kërcënuar njerëzit,” tha Berisha.
Ai shtoi se Shqipëria ka tre liderë të opozitës në burg. Sipas tij, Rama përdori policinë dhe gjyqtarët e kontrolluar për të arritur qëllimet e tij.
“Shqipëria ka tre liderë të opozitës në burg. Fredi Beleri është rasti më tipik ku Edi Rama përdori policinë dhe gjyqtarët e kontrolluar për të arritur qëllimet e tij. Rama kontrollon të gjitha televizionet dhe tani po mbyll TikTok-un sepse të rinjtë e kritikojnë atë. Bashkëpunëtorët e tij janë regjistruar duke pasur lidhje me kartelët e Meksikës, me kartelin Sinaloa,” shtoi më tej.
Berisha tha në intervistë se nëse fiton zgjedhjet, do të synojë përmirësimin e marrëdhënieve shqiptaro-greke.
“Unë gjithmonë kam punuar dhe kam promovuar dialogun për të zgjidhur problemet tona dhe për të ecur përpara. Në vitin 1996, së bashku me Presidentin Stefanopulos, kishim nënshkruar një marrëveshje duke punuar mbi çështjen e zonave detare dhe kishim arritur një marrëveshje shumë të mirë sipas mendimit tim, nga e cila dolëm të dy të fituar. Edi Rama nuk iu drejtua Gjykatës Ndërkombëtare. Grekët u përpoqën, por Rama e torpedoi atë. Unë do ta rikthej marrëveshjen dhe do të bashkëpunoja me Greqinë", tha ai duke folur për marrëdhëniet shqiptaro-greke.
Sa i përket çështjes Beleri, Berisha tha se ajo që Rama bëri në Himarë ishte një provokim i madh dhe e bëri për interesat e tij personale.
“Ajo që bëri në Himarë ishte një provokacion i madh. E bëri për interesat e tij personale. Sepse Beleri nuk donte t’i jepte Ramës kanionin e zonës, të cilin nëna e Ramës dhe kushërinjtë e tij e kanë marrë. Ajo që keni parë është përpjekja e Ramës për të grabitur një nga kanionet më të njohura. Pra, Rama ka vetëm interesa mafioze,” përfundoi ai.
