Policia e Tiranës ka filluar verifikimin e videove me përmbajtje seksuale të cilat prej ditës së djeshme po qarkullojnë në rr...
POLITIKE
Anëtare pa të drejtë vetoje? Rama për procesin e integrimit: Nuk na duhet të bëjmë të fortin e “t’i biem tavolinës”! Duhet të ndihemi të privilegjuar
PiranjatPërditësimi i fundit 30 Shtator 2026, 18:33
Kryeministri Edi Rama ka mbrojtur qëndrimin e tij kundër së drejtës së vetos brenda Bashkimit Europian, duke deklaruar se Shqipëria nuk humbet asgjë nëse anëtarësimi i saj shoqërohet me një mekanizëm ku vendi nuk mund të bllokojë vendimmarrjen e unionit.
Gjatë konferencës së përbashkët me presidenten e Komisionit Europian, Ursula von der Leyen, Rama tha se ka argumente të forta kundër vetos, të cilën e konsideroi një mekanizëm të tejkaluar.
“Kam të gjitha arsyet dhe argumentet që të mbroj argumentin se e drejta e vetos nuk i bën mirë BE-së, as vendeve anëtare dhe, mbi të gjitha, meqë ju e quani të drejtë që ne, me demek, po e dorëzojmë, unë po ju kujtoj që Shqipëria ka qenë viktimë e ushtrimit të asaj të drejte, e një vetoje ose e një mekanizmi i cili, në kohët e sotme, është një mekanizëm i tejkaluar, sipas meje”, deklaroi Rama.
Kryeministri iu referua në këtë mënyrë edhe rasteve kur procesi i integrimit të Shqipërisë është përballur me bllokime nga vende anëtare të BE-së.
Sipas Ramës, Shqipëria nuk duhet ta shohë veton si një instrument që i nevojitet për të treguar forcë pas anëtarësimit në Bashkimin Europian. Përkundrazi, ai tha se vendi duhet ta konsiderojë privilegj faktin që do të jetë pjesë e tryezës europiane si i barabartë mes të barabartëve.
“Nuk besoj se duke mbrojtur këtë ide ne si Shqipëri humbim gjë, sepse nuk do të na duhet vetoja të bëjmë të fortin në tryezën e një familjeje ku duhet të ndihemi të privilegjuar të jemi të barabartë mes të barabartësh, jo të bëjmë të fortin duke i rënë me grusht tavolinës”, u shpreh Rama.
Gazetari Almer Toska ka komentuar skandalet e fundit me ish-drejtoreshën e SHISH Vlora Hyseni dhe biznesmenin Ergys Agasi. Toska u shpreh se po vjen radha ...
