Pas deklaratave skandaloze të kreut të qeverisë shqiptare gjatë ditës së sotme, ka reaguar Partia Demokratike.
Sipas zëdh&...
SOCIALE
FOTOT/ Aboneja e pensionistëve kthehet në torturë: 2 orë pritje në këmbë për të moshuarit e sëmurë
Nga Xhuljan FerzajPërditësimi i fundit 28 Shtator 2026, 10:55
Një qytetar i është drejtuar redaksisë së Piranjat News me një denoncim të fortë për situatën skandaloze që po përsëritet çdo fund muaji me pensionistët e Tiranës.
Sipas tij, radhët për tërheqjen e abonesë falas të transportit urban kanë arritur përmasa të papranueshme. Pensionistët, shumë prej tyre me moshë të thyer, sëmundje kronike dhe kufizime fizike, detyrohen të presin deri në 2 orë në këmbë për të marrë një abone që u takon me të drejtë.
“Shikoni pamjet skandaloze sa ka shkuar radha e pensionistëve që presin për të marrë abonenë. Duhet të presin 2 orë, pavarësisht moshës së thyer, sëmundjeve dhe kufizimeve fizike. Aboneja e pensionistëve duhet të fillojë të shpërndahet 10 ditë para fundit të muajit, jo ditën e fundit ku të gjithë dynden për ta marrë. Ky problem po rikthehet serish. Ju lutem publikojeni, që të shohin se si tallen me pensionistët e shkretë!” – shkruan qytetari në denoncimin e tij.
Ky nuk është rasti i parë. Problemi me radhët e gjata për abonenë e pensionistëve është denoncuar vazhdimisht që nga fillimi i vitit 2025, kur Bashkia e Tiranës nisi skemën e abonesë falas. Edhe pse autoritetet kanë premtuar shtimin e pikave të shpërndarjes dhe një sistem të ri digjital, situata mbetet e njëjtë: pensionistët vazhdojnë të vuajnë çdo fund muaji.
Qytetari kërkon që shpërndarja e abonesë të nisë të paktën 10 ditë para mbylljes së muajit, në mënyrë që të shmanget grumbullimi masiv dhe vuajtja e panevojshme e të moshuarve./ Piranjat News
