Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
Apeli i GJKKO-së vendosi "detyrim paraqitjeje" për Berishën, avokati Gjokutaj: Zëvendësimi i masës u bë në mënyrë të çuditshme
M.B.Përditësimi i fundit 3 Janar 2025, 13:51
TIRANA- Avokati i kryedemokratit Sali Berisha, Genc Gjokutaj tha sot lidhur me vendimin e Apelit të Posaçëm se prokurori paraqiti ato shkaqe që nuk mund ta shfuqizonin vendimin e Gjykatës së shkallës së parë. I ftuar në edicionin informativ të mesditës në ‘Syri Televizion’ Gjokutaj tha se përfundimisht në një mënyrë tej të çuditshme, gjykatësi Engert Pëllumbi zëvendëson masën e 'arrestit të shtëpisë' me 'detyrim paraqitjeje'. Ai shtoi se kjo Gjykatë me këtë vendim na ka mohuar një shkallë gjykimi.
Pjesë nga fjala e Gjokutajt:
Sot në Apel u paraqitëm në lidhje me ankimin që kishte bërë prokurori Kraja ndaj vendimit tëtgjykatës së shkallës së parë kundër krimit e korrupsionit në lidhje me revokimin e masës së sigurimit arrest në shtëpi të zotit Berisha. Vendim që është bërë i ditur, për të cilin zoti Berisha ka shtruar ankimin e tij, duke pretenduar se ekzistenca e kësaj mase sigurimi ndaj tij dëmton proçesin në dëmtim të manipulimit të provave, intimidimit të dëshmitarëve, rrezikut të ikjes dhe historira që nuk do të kenë lidhje me zotin Berisha.
Ne sigurisht bëmë apelin kundërshtues e sot u gjendëm përpara gjyqtarit Pëllubi i cili drejtoj seancën, ku kjo e fundit u zhvillua normalisht. Prokurori paraqiti ato shkaqe që nuk mund ta shfuqizonin vendimin e Gjykatës së shkallës së Parë dhe përfundimisht në një mënyrë tej të çuditshme gjykatësi Pëllumbi zëvendëson masën të arrestit të shtëpisë me detyrim paraqitjeje. Ndërkohë që objekti i ankimit (i prokurorit) ishte shfyqizimi i vendimit për revokimin e masës arrest në shtëpi dhe rivendosjen e masës arrest në shtëpi, ndërkohë që nga ana jonë nuk kishte asnjë kërkesë.
Pra vendimin e masës detyrim paraqitje nuk kishte kërkesë, nga ana e asnjërës palë, siç ishin në momentin që është bërë ankimi dhe jo vetëm kaq, por kjo gjykatë me këtë vendim na ka mohuar një shkallë gjykimi, sepse nëse do të çmohen masa e detyrim paraqitje, gjithmonë me kërkesën e palëve, që vënë në lëvizje gjykatën, dhe kur kjo vendos kryesisht janë moment ekstreme, atherë kjo duhej bërë në shkallën e pare, sepse na jepte mundësi kundërshtimi në lidhje me një masë të tillë.
