Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Apeli la në fuqi dënimin me 1 vit burg, avokati i Salianjit tregon hapat ligjorë që do të ndërmarrin: Qëndrimet e dy gjykatave ishin të njëanshme
r.llPërditësimi i fundit 26 Shtator 2024, 14:32
redi ramaj
TIRANË- Avokati i deputetit demokrat Ervin Salianjit, Redi Ramaj ka folur për gazetarët lidhur me hapat ligjorë që do të ndërmerren pasi Apeli la në fuqi dënimin me 1 vit burg për ligjvënësin.
Ramaj e ka cilësuar vendimin si dënim politik, ndërsa i ka cilësuar qëndrimet e dy gjykatave si të njëasnshme dhe me prova të fabrikuara. Ai tha se çështja kryesore është nëse është vendim i formës së prerë, ku shtoi se mund të shkohet edhe në Gjykatën e Lartë.
“Jemi në një dënim politik, të hapur. Qëndrimi i Apelit dhe shkallës së parë ka qenë i njëanshëm, me prova të fabrikuara, me prova që nuk të çonin asgjëkundi. Jemi para këtij dënimi për të mënjanuar deputetët e opozitës dhe për ti luftuar jo më në parlament, por në gjykatë. Ky është një rast i rrezikshëm i bërë nga mazhoraznca për të dënuar kundërshtarët politik. Çështja është a është i formës së prerë? Sepse mund të jetë vetëm i ekzekutueshëm. Mund të shkohet edhe në Gjykatën e Lartë, që mund të vendosë edhe pezullim ose duhet të vendosë në terësi, në themel të çështjes dhe mund të kemi ndryshime. Duhet pritur rruga ligjore që do marrë zbardhja e vendimit, do marrë ekzekutimi nga prokuroria dhe më pas rruga parlamentare. Në cdo rast, edhe pse neni është i qartë kur flasim për vendimin e formës së prerë, parlamenti nuk duhet mënjanuar”, tha avokati i Salianjit, Redi Ramaj.
