Një nënë nga Korça, Volsjana Plasa, denoncon se djali i saj 4-vjeçar është dhunuar nga edukatorja në kopshtin nr. ...
POLITIKE
Apeli lë në fuqi pezullimin e Behgjet Pacollit, Aeroporti i Vlorës mbetet në administrim të Valon Ademit
PiranjatPërditësimi i fundit 19 Shkurt 2026, 18:27
Gjykata e Apelit e Tiranës e ka lënë në fuqi masën e sigurisë së Gjykatës së Shkallës së Parë, me të cilën i jep të drejtë aksionarit Valon Ademi të administrojë Aeroportin e Vlorës.
Vendimi është marrë ditën e sotme, por nuk është zbardhur ende nga gjykata. Gjykata e Tiranës i kishte dhënë të drejtë shoqërisë “2A Group” ndaj Mabco Construction SA në përplasjen për Aeroportin e Vlorës. Gjykata e Shkallës së Parë në Tiranë kishte marrë vendim për sigurim të padisë për rastin e “Vlora International Airport – VIA”, duke e aprovuar si të bazuar kërkesën e paraqitur nga “2A Group”.
Përmes një vendimi të marrë më 24 dhjetor të vitit 2025, Gjykata e Shkallës së Parë ka pezulluar të drejtën e votës së aksionarit Mabco Construction SA, të drejtuar nga Behxhet Pacolli. Tashmë ai vendim është konfirmuar edhe nga Apeli, duke ngushtuar më tej mundësitë për Pacollin, për ankimim në Gjykatën e Lartë, ndërsa bëhet shumë më i mundur Arbitrazhi.
Krahas rastit në gjykatë, Prokuroria e Tiranës ka nisur hetime ndaj Pacollit, ai edhe Emin Pacollit, vëllait të tij dhe punonjësit Nelson Çela. Të dy po hetohen për rolet e tyre në kompaninë “Mabco Constructions S.A”. Të tre bashkë dyshohen për akuzat e “mashtrimit me pasoja të rënda”, “falsifikim dokumentesh” dhe “mashtrim kompjuterik”.
Akuzat ndërlidhen me dyshimet se Pacolli dhe njerëzit e tij ia shiten aksionet e Aeroportit kompanisë “Delphos Securities Sarl”, duke e mashtruar aksionarin tjetër që fitoi koncensionin për ndërtimin dhe operimin e Aeroportit të Vlorës./ekofin.al
