Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
‘Arben Rakipi e shndërroi Magjistraturën në shkollë private të PS!’/ Berisha-ndërkombëtarëve: Mos na servirni korrupsionin për reformë
I.APërditësimi i fundit 4 Maj 2024, 22:21
Sali Berisha
TIRANË - “Një bandit dhe kriminel që pasurohet në kundërshtim flagrant me çdo ligj”, kështu e ka cilësuar kreu i PD-së Sali Berisha, drejtorin e Shkollës së Magjistraturës, Arben Rakipin, referuar fryrjes së listës së fituesve te Magjistratura. Berisha u shpreh se për të futur ekstremistët e fondacionit Qemal Stafa, Rakipi prishi provimet dhe nga 73, shtoi 53 të tjerë fitues.
Berisha shton se ky është standarti më kriminal që ka parë Shqipëria në këto 32 vite, ndërsa u ka bërë thirrje ndërkombëtarëve, të mos e servirin korrupsionin për reformë. Më tej Berisha u ka bërë thirrje të gjithë qytetarëve ti bashkohen protestës së thirrur ditën e martë para Bashkisë së Tiranës.
"Të dashur miq, drejtësi është kjo? Po ky është terrorizëm mo. Po si mund të jetë një drejtësi kur një kriminel merr pushtetin e parlamentin dhe firmos amnistira për kryehajdutë siç bën Altin Dumani. Më thoni ju mua, çfarë drejtësie është kjo? Të dashur miq, a e morët ju vesh ish-sigurimsi i shtetit, Arben Rakipi, një bandit që e shndërron Shkollën e Magjistraturës në shkollë private të partisë së krimit. Ky bandit, ky kriminel që pasurohet në kundërshtim flagrant me çdo ligj, për të futur ekstremistët e fondacionit Qemal Stafa, prishi provimet dhe nga 73, shtoi 53 të tjerë, sikur ta kishte shkollën pronë të të atit të tij dhe jo shkollë për drejtësinë shqiptare.
Me këtë rast, dua t’u them partnerëve, zotërinj a mund të më thoni ju mua se Shkolla e Magjistraturës ka funksionuar ndonjëherë në ekzistencën e saj, siç funksionoi në këtë kohë, pas reformës, pas antireformës që shkatërroi sistemin e drejtësisë. Zotërinj, mos u servirni shqiptarëve korrupsionin për reformë. Zotëronj, mos u servirni shqiptarëve padejtësinë për drejtësi. Sepse do keni dështim, dështim dhe vetëm dështim.
E them këtë sepse reagohet për çdo gjë ndaj këtij sistemi, sikur nuk është i shqiptarëve. Reagohet për gjtihçka, po urdhëroni, ja ku e keni Shkollën e Magjistraturës, standardin më kriminal që ka parë Shqipëria në 32 vite. Shqiptarë, merrni fatin në duart tuaja. Shqiptarë, të marrim fatin në duart tona. Askush nuk mund të tallet me ne. Askush nuk mund të na shesë ne Rakipëra e Dumanër, Kraja dhe Gjika si specialistë apo si të vërtetë. Ata mund të jenë kukulla, skllevër në duart e krimit që zbatojnë urdhra, por shqiptarët nuk do i pranojnë kurrë. Beteja nuk ka të ndalur. Rroftë fitorja. Ditën e martë, në ora 11.30, të gjithë te bashkia. Fitore, fitore, fitore",- tha Berisha.
