Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
POLITIKE
Ardit Bido kandidat i PS-së në Vlorë për zgjedhjet e 11 majit/ Emërohet përkohësisht në krye të drejtorisë së përgjithshme të Arkivave, Endrit Musaj
n.fPërditësimi i fundit 19 Mars 2025, 17:45
TIRANË- Endrit Musaj është vendosur në krye të drejtorisë së përgjithshme të Arkivave. Drejtori Ardi Bido është kandidat në listë të hapur të PS-së në qarkun e Vlorës për zgjedhjet e 11 majit dhe prandaj ai ka firmosur ngarkimin e përkohshëm në detyrë Musajn. Vendimi i 12 marsit është publikuar në fletore zyrtare.
PËR NGARKIM TË PËRKOHSHËM NË DETYRË (ZËVENDËSIM)
Në mbështetje dhe zbatim të nenit 11/b, të ligjit nr. 9154, datë 6.11.2003, "Për arkivat", të ligjit nr. 44/2015, "Kodi i Procedurave Administrative i Republikës së Shqipërisë", të ndryshuar, si dhe të nenit 11, pikave 2 dhe 3, të ligjit nr. 90/2012, "Për organizimin dhe funksionimin e administratës shtetërore",
1. Ngarkimin e përkohshëm në detyrë (zëvendësimin) e titullarit të Drejtorisë së Përgjithshme të Arkivave, z. Endrit Musaj, zëvendësdrejtorit të përgjithshëm të Arkivave, për shkak të mungesës me arsye të titullarit të këtij institucioni, me përjashtim të kompetencave të ngarkuara te drejtues të tjerë me urdhra të posaçëm përgjatë vitit 2025.
2. Ngarkimi i përkohshëm në detyrë (zëvendësimi) do të ushtrohet nga data 12.3.2025 deri në kthimin në detyrë të titullarit.
3. Për zbatimin e urdhrit ngarkohet zëvendësdrejtori i përgjithshëm, z. Endrit Musaj.
Ky urdhër hyn në fuqi menjëherë dhe botohet në Fletoren Zyrtare.
