Banoret e një pallati në zonën e Currilas, Durrës, janë zgjuar në panik mëngjesin e sotëm pas rrëshqitjes s&...
POLITIKE
“Austria nuk e pa kurrë Shqipërinë si periferi”, Rama flet në ceremoninë e nderimit të rektorit të BOKU
PiranjatPërditësimi i fundit 6 Nëntor 2025, 09:56
Kryeministri Edi Rama sot, 6 nëntor, në ceremoninë e nderimit të Profesor Hubert Hasenauer, rektorit të Universitetit të BOKU në Austri, me Yllin për Mirënjohje Publike, për kontributin dhe përkushtimin e tij në transformimin e UBT-së (Universitetit Bujqësor të Tiranës) sipas modelit të BOKU të Vjenës, në rrugën e njehsimit të diplomave mes tyre.
“Nuk është thjesht ceremoni nderimi, por moment simbolik që rinxjerr në pah lidhjen mes dy traditash të vjetra dhe jo të vogla, austriake dhe shqiptare në një spirale të përbashkët vlerash, si dija, përkushtimi, dashuria për tokën e vetë njeriut”, deklaroi kreu i qeverisë në nisje të fjalës së tij.
Tha se Hasenauer vjen nga një “kostelacion yjesh të rrallë” që zanafillën e ka në Austri, ku për herë të parë u dëgjua tingulli i shqipes.
“Ky duhet të jetë rasti i parë kur dikush shkon të marrë një medalje dhe nga fjalët e rastit merr dy. I dashur profesor, i nderuar miku im dhe mik e koleg i të pranishmëve, unë besoj se kjo e sotmja nuk është thjesht një ceremon nderimi për një individ që e Mmeriton plotësisht këtë nderim, por është edhe një moment simbolik që rinxjerr në pah lidhjen mes dy traditash të vjetra, dhe jo të vogla, austriake dhe shqiptare, në një spirale të përbashkët vlerash si dija, përkushtimi dhe dashuria për tokën, e vetë njeriut.
Nuk do të mjaftonte dot hapësira e një fjale të tillë për të përshkruar të gjithë këtë rrugëtim sa të shkurtër aq edhe kuptimplotë që na lidh së bashku por pata dëshirë sot i nderuar professor t’ju them se ju i bashkoheni një kostelacioni yjesh që nga Austria kanë xixëlluar mbi qiellin e Shqipërisë", tha Rama.
