Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Autostrada Thumanë-Kashar, Berisha: Banorët e rrethit të Krujës, protestuesit kundër ndëshkimit dhe diskriminimit nga armiku i egër Edi Rama
M.B.Përditësimi i fundit 27 Gusht 2024, 21:15
TIRANA- Kreu i Partisë Demokratike Sali Berisha tha sonte në fjalën e tij se përshëndet banorët e Krujës, Fushë Krujës, Mamurrasit për protestën e tyre, sipas tij, kundër ndëshkimit dhe diskriminimit. Berisha tha se 80 mijë banorëve të rrethit të Krujës janë të diskriminuar me rrugën e ndërtuar në tokën e tyre. Ai shtoi se kryeminstri Edi Rama i detyron ata që të paguajnë taksë për të hyrë e për të dalë nga Tirana, ndërkohë që askush tjetër në Shqipëri nuk paguan një qindarkë.
Pjesë nga fjala e Berishës:
Mirënjohjen më të pakufijshme ju, misionarëve dhe misionareve të kauzës së drejtë të çdo shqiptari. Një përshëndetje të përzemërt oratorëve të kësaj platforme të fjalës së lirë që përcjellin te shqiptarët së bashku me ju, të vërtetat e mëdha të shoqërisë shqiptare dhe kombit shqiptar.
Sonte unë dua të përshëndes gjithashtu protestuesit e Thumanës, banorët e Krujës, Fushë Krujës, Mamurrasit për protestën e tyre të fuqishme kundër ndëshkimit dhe diskriminimit të 80 mijë banorëve të rrethit të Krujës me rrugën e ndërtuar në tokën e tyre.
Dua të përshëndes këta protestues, të cilët janë sot protestuesit kundër diskriminimit që iu bëhet 400-500 mijë shqiptarëve të qarqeve të veriut nga armiku i egër Edi Rama, që i detyron ata që të paguajnë taksë për të hyrë e për të dalë nga Tirana, ndërkohë që askush tjetër në Shqipëri nuk paguan një qindarkë për lëvizjet e tij nga Fushë Kruja gjer në Bilisht, gjer në Kakavjë apo Qafë Botë. Ky diskriminim është i patolerueshëm, është poshtërim dhe unë kam bindje se banorët e veriut do të gjejnë guximin, kurajon, t’i japin këtij armiku atë që meriton.
